मुख्य समाचार

इन्द्रजात्राको तयारी : मजिपा लाखे आजु र झ्यालिन्चाको मुखौटा निकालियो (तस्बिरहरू)

सिधाकुरा

सोमबार, भदौ २२, २०८३

इन्द्रजात्राको तयारी : मजिपा लाखे आजु र झ्यालिन्चाको मुखौटा निकालियो (तस्बिरहरू)

काठमाडौँ । इन्द्रजात्राको तयारीस्वरूप आज एकादशीका दिन मजिपा लाखे आजु र झ्यालिन्चाको मुखौटा निकालिएको छ।

Watch On

धार्मिक तथा सांस्कृतिक विधिअनुसार पूजा गरी लाखेनानीबाट दुवै मुखौटा निकालिएको हो। इन्द्रजात्राको सुरुवातको संकेतका रूपमा मुखौटा निकाल्ने दिनलाई विशेष महत्वका साथ लिने गरिन्छ।

मुखौटा निकाल्ने क्रममा परम्परागत बाजागाजासहित विभिन्न धार्मिक तथा सांस्कृतिक विधि पूरा गरिएको थियो। निकालिएका मुखौटा इन्द्रजात्राका क्रममा प्रदर्शन तथा नृत्यमा प्रयोग गरिने परम्परा छ।

मजिपा लाखे आजु इन्द्रजात्रासँग जोडिएको प्रमुख सांस्कृतिक पात्र हुन्। लाखे नाचलाई समुदायलाई खराब शक्तिबाट जोगाउने सांस्कृतिक विश्वाससँग जोडिएको पाइन्छ। झ्यालिन्चालाई पनि इन्द्रजात्राको महत्वपूर्ण सांस्कृतिक पात्रका रूपमा लिइन्छ।

इन्द्रजात्रा काठमाडौँ उपत्यकामा मनाइने प्रमुख ऐतिहासिक तथा सांस्कृतिक पर्व हो। यस अवसरमा कुमारी, गणेश र भैरवको रथयात्राका साथै लाखे नाच, पुलुकिसी, सभक्कु (हल्चोक भैरव) लगायत विभिन्न सांस्कृतिक प्रस्तुति हुने गर्छन्।

इन्द्रजात्राका विभिन्न सांस्कृतिक कार्यक्रम तथा देवीदेवताका नाच हेर्न काठमाडौँका विभिन्न स्थानमा स्थानीयवासी तथा सर्वसाधारणको भीड लाग्ने गर्छ।

तस्बिर : आभास रञ्जित/नेपाल फोटो लाइब्रेरी

Majipa-Lakhey-&-Jhyalincha-Mukhauta_NPL-(26)-1788769720.jpeg