समाज

भोटेकोशी बाढी प्रभावितको पुनर्लाभ, पुनर्स्थापना र पुनर्निर्माणबारे के भयो छलफल ?

सिधाकुरा

मंगलबार, भदौ ३०, २०८३

भोटेकोशी बाढी प्रभावितको पुनर्लाभ, पुनर्स्थापना र पुनर्निर्माणबारे के भयो छलफल ?

काठमाडौं । विपद् जोखिम न्यूनीकरणसम्बन्धी राष्ट्रिय कार्यमञ्च (एनपीडीआरआर) को बैठकमा रसुवा–भोटेकोशी बाढीबाट प्रभावितको तत्काल पुनर्लाभ, पुनर्स्थापना र पुनर्निर्माणका विषयमा छलफल भएको छ।

Watch On

बैठकमा कार्यमञ्चका सदस्य तथा साझेदार संस्थाका प्रतिनिधिले बाढीपछि खोज, उद्धार तथा राहतमा हालसम्म आफ्नो निकायले पुर्‍याएको सहयोगबारे जानकारी गराएका थिए। उनीहरूले प्रभावित क्षेत्रमा तत्काल पुनर्लाभ, पुनर्स्थापना तथा पुनर्निर्माणका लागि आ–आफ्नो निकायबाट गर्न सकिने सहयोगबारे समेत जानकारी गराएका थिए।

कार्यक्रममा मञ्चका अध्यक्ष एवं राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा. धर्मराज उप्रेतीले सबै साझेदार संस्थालाई प्राधिकरणको विस्तारित अंगका रूपमा काम गर्न आग्रह गरे।

बैठकमा भोटेकोशी बाढीपछिको खोज, उद्धार तथा राहतको हालसम्मको अवस्थाबारे प्राधिकरणका उपसचिव रामबहादुर केसीले जानकारी गराएका थिए।

बैठकमा विपद्सँग सम्बन्धित मन्त्रालय तथा विभागका अधिकारीसँगै सुरक्षा निकायका विपद् व्यवस्थापन हेर्ने उच्च अधिकारीहरूको पनि उपस्थिति थियो।

प्रकाशित मिति: मंगलबार, भदौ ३०, २०८३

प्रतिक्रिया दिनुहोस्