समाज

विश्वकर्मा बाबाको सिँगारपटार (तस्बिरकथा)

सिधाकुरा

बुधबार, भदौ ३१, २०८३

विश्वकर्मा बाबाको सिँगारपटार (तस्बिरकथा)

काठमाडौं । विश्वकर्मा पूजाको अघिल्लो दिन बुधबार सुनसरीका कालिगढलाई विश्वकर्मा बाबाको मूर्ति सजाउन चटारो छ।

Watch On

बिहीबार हुने पूजाका लागि आज मूर्तिलाई अन्तिम रूप दिँदै विभिन्न वस्त्र, गरगहना तथा सिँगारपटार गर्न उनीहरू व्यस्त छन्।

इनरुवा नगरपालिका–४ का विनोद मेहता यसपटक बिक्रीका लागि ४५ वटा विश्वकर्माको मूर्ति तयार गर्दैछन्। उनले तीन हजारदेखि चार हजार रुपैयाँसम्मका मूर्ति बनाएका छन्।

विभिन्न चाडपर्वका अवसरमा मूर्ति बनाएर बिक्री गर्न थालेको १०–१५ वर्ष भइसकेको मेहता बताउँछन्। खर्च कटाएर एउटा मूर्तिबाट करिब एक हजार रुपैयाँ बचत हुने उनले बताए।

त्यस्तै, इनरुवा–८ का रामलखन मण्डलले इनरुवामा मूर्ति बनाएर बिक्री गर्न थालेको ३५ वर्ष भयो। यसपालि उनले चार हजारदेखि सात हजार रुपैयाँसम्मका मूर्ति तयार गरिरहेका छन्। काम गर्ने जनशक्तिको अभावका कारण यसपटक भने उनले १८–२० वटा मात्रै मूर्ति बनाउन भ्याएका छन्।

विश्वकर्मा र सरस्वती पूजाका बेला मूर्तिको माग बढी हुने मण्डलले बताए। दसैंमा दुर्गा तथा जितिया पर्वमा पनि मूर्तिको माग आउने गरेको उनले बताए।

सानो आकारका मूर्तिबाट खासै बचत नहुने भए पनि ठूलो मूर्तिको अर्डर आउँदा आम्दानी पनि बढी हुने गरेको मण्डलको अनुभव छ।

Bishwakarma-Murti_NPL-(5)-1789564462.jpeg