नेपाल प्रहरीमा ३३४ पदका लागि जागिर खुल्यो

काठमाडौँ । नेपाल प्रहरीमा ३३४ पदका लागि जागिर खुलेको छ । 

Watch On

प्रधान कार्यालय नक्सालले शुक्रबार जनपद प्रहरीतर्फ प्रहरी सहायक निरीक्षक (असई) र प्रहरी कार्यालय सहयोगी पदहरूमा खुला तथा समावेशी प्रतियोगिताद्वारा पदपूर्तिका लागि कुल ३३४ जनाको नयाँ भर्ना आह्वान गरेको हो ।

जसमा प्रहरी सहायक निरीक्षकतर्फ  २११ जना माग गरिएको छ । खुला ११४, महिला १९, आदिवासी जनजाति २९, मधेशी २६, दलित १४, पिछडिएको क्षेत्र ४, अमर/अशक्त प्रहरी परिवारबाट ५ जनका लागि आवेदन माग गरिएको छ । 

यसैगरी प्रहरी कार्यालय सहयोगी (भान्छे)का लागि ८३ जना माग गरिएको छ । खुलातर्फ ४५ र समावेशी तथा अमर/अशक्त ३८ जना मागिएको छ । 

प्रहरी कार्यालय सहयोगी (कुचीकार) २५ जना मागिएको छ । खुला १३, समावेशी १२ जना मागिएको छ । 

प्रहरी कार्यालय सहयोगी (हजाम): १५ जना मागिएको छ । खुला ८ र समावेशी जना मागिएको छ । 

प्रहरी सहायक निरीक्षकका लागि मान्यता प्राप्त शिक्षण संस्थाबाट प्रमाणपत्र तह (१०+२) वा सो सरह उत्तीर्ण गरेको हुनुपर्नेछ । उमेर १८ वर्ष पूरा भई २४ वर्ष ननाघेको हुनुपर्नेछ । बहालवाला प्रहरीको हकमा ३५ वर्ष ननाघेको हुनुपर्नेछ । 

प्रहरी कार्यालय सहयोगीका लागि साधारण लेखपढ गर्न जानेको हुनुपर्नेछ । १८ वर्ष पूरा भई २५ वर्ष ननाघेको हुनुपर्नेछ । 

कसरी दिने आवेदन ?
प्रहरी सहायक निरीक्षकका लागि नेपाल प्रहरीको अनलाइन दर्ता प्रणाली (ORMS) को वेबसाइट careers.nepalpolice.gov.np मार्फत अनलाइन दरखास्त दिनुपर्नेछ । परीक्षा दस्तुर रु. ५०० (प्रत्येक थप समावेशी समूहका लागि २०% अर्थात् रु. १०० थप) लाग्नेछ।

प्रहरी कार्यालय सहयोगी: तोकिएका प्रदेश प्रहरी तालिम केन्द्र, काठमाडौँ उपत्यका प्रहरी शिक्षालय वा सम्बन्धित जिल्ला प्रहरी परिसर/कार्यालयहरूमा स्वयं उपस्थित भई फाराम बुझाउनुपर्नेछ। दस्तुर रु. २०० (प्रत्येक थप समावेशी समूहका लागि रु. ४० थप) रहनेछ।