गुड्न तयार भयो नेपालमै बनेको विद्युतीय स्कुटर 'यात्री पी२', सुरुवाती मूल्य तीन लाख २९ हजार ९००
काठमाडौँ । नेपालमै डिजाइन र उत्पादन गरिएको बहुप्रतीक्षित विद्युतीय स्कुटर 'यात्री पी२' औपचारिक रूपमा नेपाली बजारमा सार्वजनिक भएको छ । सिप्रदी र यात्री मोटरसाइकलको संयुक्त सहकार्यमा बजारमा ल्याइएको यस स्कुटरको सुरुवाती मूल्य ३ लाख २९ हजार ९ सय रुपैयाँ कायम गरिएको छ ।
Watch On
कम्पनीका अनुसार यो सुरुवाती मूल्य ३.० केडब्लुएच (किलोवाट आवर) ब्याट्री क्षमता भएको बेस भेरियन्टको हो । ग्राहकले आफ्नो आवश्यकता, बजेट र यात्राको दूरी अनुसार फिचर तथा ब्याट्री क्षमता अनुकूलन गरी खरिद गर्न सक्ने निर्माता कम्पनी यात्री मोटरसाइकलले जनाएको छ ।
तीन ब्याट्री विकल्प र २०७ किमीसम्मको रेन्ज
यात्री पी२ लाई मुख्य गरी तीनवटा ब्याट्री प्याकमा उपलब्ध गराइएको छ । यसको ३.० केडब्लुएच (किलोवाट आवर) बेस भेरियन्टले एक पटकको फुल चार्जमा ९० किमी, ३.७ केडब्लुएच मिड भेरियन्टले ११२ किमी र ५.२ केडब्लुएच टप भेरियन्टले १५७ किमीसम्मको रेन्ज दिन्छ। लामो दूरीको यात्राका लागि थप १.८केडब्लुएच को 'रेन्ज एक्सेन्डर' सहायक ब्याट्री जोडेर कुल रेन्ज अधिकतम २०७ किमी सम्म पुर्याउन सकिने प्रविधि यसमा छ।
स्कुटरमा १० किलोवाट पिक पावर र ३१५ एनएम टर्क उत्पन्न गर्ने मिड-ड्राइभ पीएमएसएम मोटर जडान गरिएको छ, जसको अधिकतम गति ९० किमी प्रतिघण्टा रहेको छ । यसमा 'सुस्ते', 'थिक्क' र 'बब्बाल' गरी तीन राइडिङ मोड उपलब्ध छन् । डिसी फास्ट चार्जिङ प्रविधिबाट यो स्कुटर ४१ मिनेटमै १० देखि ८० प्रतिशतसम्म चार्ज हुन्छ ।
स्मार्ट कनेक्टिभिटी र आधुनिक सुरक्षा फिचर
नयाँ पुस्ताका चालकलाई लक्षित गरी बनाइएको यस स्कुटरमा ७-इन्चको टिएफटी स्मार्ट स्क्रिन दिइएको छ, जसले वायरलेस एप्पल कारप्ले र एन्ड्रोइड अटो सपोर्ट गर्छ। इन-बिल्ट फोर जी सिम, मोबाइल कम्पेनियन एप, १७५ एमएमको ग्राउन्ड क्लियरेन्स र हेलमेट सजिलै अट्ने ३० लिटरको ठूलो बूट स्पेस यसका मुख्य विशेषता हुन् ।
सुरक्षाका लागि स्कुटर दुर्घटनामा पर्दा वा लड्दा स्वतः पावर कट भई एसओएस लोकेसन पठाउने 'फल डिटेक्सन', जीपीएस ट्र्याकिङ, एन्टी-थेफ्ट अलार्म र हिल होल्ड असिस्ट जस्ता सुरक्षा प्रणाली राखिएका छन् । कम्पनीले ब्याट्रीमा ८ वर्ष वा ८० हजार किमीको वारेन्टी दिएको छ ।
बुकिङ र डेलिभरी तालिका
५ हजार रुपैयाँ अग्रिम भुक्तानी गरी अनलाइन तथा सोरुमबाट बुकिङ गर्न सकिने यस स्कुटरको माथिल्लो भेरियन्ट (३.७ केडब्लुएच र ५.२ केडब्लुएच) को डेलिभरी अक्टोबर-नोभेम्बर २०२६ देखि र बेस भेरियन्टको डेलिभरी डिसेम्बर २०२६ देखि सुरु हुने निर्माता कम्पनी यात्री मोटरसाइकलले जनाएको छ ।
-1789487199.jpg)
-1789365678.jpg)
-1789216678.jpg)
-1787734963.jpeg)
रसुवा बाढीमा मृत्यु हुनेको संख्या १ हजार ४१० पुग्यो, ६ हजार १४५ अझै बेपत्ता
भोटेकोशीको विनाशकारी बाढीमा मृत्यु हुनेको संख्या १ हजार ४१० पुगेको छ। अझै ६ हजार १४५ जना बेपत्ता रहेको राष्ट्रिय विपद जोखिम न्यूनीकरण तथा व्यवस्थापन प्राधिकरणले जनाएको छ। शुक्रबार, असोज २, २०८३
मुग्लिन नारायणगढ सडकको पहिरो हटाइयो, दुईतर्फी सञ्चालनमा
मुग्लिन नारायणगढ सडक खण्डमा आज विहान खसेको पहिरो हटाइएको छ । शुक्रबार, असोज २, २०८३
भोटेकोशी भेलबाढीबारे २० अन्तर्राष्ट्रिय वैज्ञानिकहरूले पत्ता लगाएका दुई कारण
भोटेकोशी भेलबाढीको स्रोत बुझ्न नेपालका विज्ञ मात्रै होइन विश्वभरका वैज्ञानिक जुटेका छन्। २० भन्दा बढी अन्तर्राष्ट्रिय विज्ञ सम्मिलित टोलीले गरेको अध्ययनले नयाँ केही तथ्य सार्वजनिक गरेका छन्। शुक्रबार, असोज २, २०८३
भारत भ्रमणको दोस्रो दिन अर्थमन्त्री वाग्ले महत्त्वपूर्ण कूटनीतिक र द्विपक्षीय भेटघाटमा सहभागी हुँदै
अर्थमन्त्री डा. स्वर्णिम वाग्लेले भारत भ्रमणको दोस्रो दिन आज महत्त्वपूर्ण कूटनीतिक र द्विपक्षीय भेटघाट गर्दै छन् । शुक्रबार, असोज २, २०८३भर्खरै
- रसुवा बाढीमा मृत्यु हुनेको संख्या १ हजार ४१० पुग्यो, ६ हजार १४५ अझै बेपत्ता
- मुग्लिन नारायणगढ सडकको पहिरो हटाइयो, दुईतर्फी सञ्चालनमा
- गुड्न तयार भयो नेपालमै बनेको विद्युतीय स्कुटर 'यात्री पी२', सुरुवाती मूल्य तीन लाख २९ हजार ९००
- भोटेकोशी भेलबाढीबारे २० अन्तर्राष्ट्रिय वैज्ञानिकहरूले पत्ता लगाएका दुई कारण
- भारत भ्रमणको दोस्रो दिन अर्थमन्त्री वाग्ले महत्त्वपूर्ण कूटनीतिक र द्विपक्षीय भेटघाटमा सहभागी हुँदै
- बाढी प्रभावित धादिङ र नुवाकोटको सम्पूर्ण क्षेत्रमा विद्युत सेवा सुचारू, रसुवाको ९० प्रतिशत ठाउँमा बिजुली बल्यो
- भोटेकोशी बाढीको नामाकरण गर्दै सरकार
- भोटेकोशी बाढीः ६७७ यातायात मजदुर सम्पर्कविहीन
