नेताका कुरा

अबको केन्द्रीय समितिको बैठकले पार्टीलाई एकताबद्ध बनाउँछः ओली

सिधाकुरा

शनिबार, असोज ३, २०८३

अबको केन्द्रीय समितिको बैठकले पार्टीलाई एकताबद्ध बनाउँछः ओली

काठमाडौँ । नेकपा एमालेका अध्यक्ष केपी शर्मा ओलीले अब बस्ने केन्द्रीय समितिको बैठकले पार्टीलाई एकताबद्ध बनाउने बताएका छन् ।

Watch On

आज पार्टी कार्यालय च्यासलमा आयोजित कार्यक्रममा अध्यक्ष ओलीले सबै घेराबन्दी र विभाजनका बाबजुद एमाले एकताबद्ध भएर निर्णायक राष्ट्रिय शक्तिको रूपमा अघि बढ्ने दाबी गरे । ‘असोज ६ र ७ गतेको केन्द्रीय समितिको बैठकले पार्टीमा देखिएका समस्याहरूको समाधान निकाल्दै पार्टीलाई सुदृढ एकताका साथ अझ सक्रिय बनाएर लैजान्छ’ ओलीले भने ।

उनले संविधान र लोकतन्त्रको रक्षाका लागि विभिन्न स्वरुपमा संघर्ष अघि बढाउने बताए । उनले मुलुकलाई विधि, पद्धति र संविधानभन्दा बाहिर लगेर अराजकता तथा अध्याँरो युगतर्फ धकेल्ने षड्यन्त्र भइरहेको भन्दै संविधान र लोकतन्त्रको रक्षाका लागि पार्टीले नेतृत्व लिएर कानुनी तथा विभिन्न स्वरूपका संघर्षहरू अगाडि बढाउने दाबी गरे ।

अध्यक्ष ओलीले सडकमा केही हजार मानिस उतारेर ३ करोड जनताको जनमतलाई ध्वस्त पार्ने प्रयास भइरहेको र यसले हिंसा तथा दिशाहीनता निम्त्याउने दाबीसमेत गरे । उनले एमालेमा गल्ती–कमजोरी महसुस गर्ने क्षमता र लडेर पनि फेरि उठेर अगाडि बढ्ने सामथ्र्य भएकाले कसैले चाहेर पनि पार्टीलाई सिध्याउन नसक्ने दाबी गरे ।

प्रकाशित मिति: शनिबार, असोज ३, २०८३

प्रतिक्रिया दिनुहोस्