४३ जिल्लाका ३३९६ वडामा कांग्रेसले सक्यो अधिवेशन

काठमाडौं । नेपाली कांग्रेसको १५ औँ केन्द्रीय महाधिवेशनअन्तर्गत वडा अधिवेशन प्रक्रिया सुरु भएको छ। असोज ३ गतेबाट सुरु भएको वडा अधिवेशनअन्तर्गत ४३ जिल्लाका ३३९६ वडामा निर्वाचन सकिएको केन्द्रीय निर्वाचन समितिले जनाएको छ।

Watch On

निर्वाचन समितिका अनुसार वडा अधिवेशनबाट वडा कार्यसमिति र क्षेत्रीय प्रतिनिधि चयन भएका छन्। असोज १६ देखि १९ गतेसम्म हुने १५ औँ केन्द्रीय महाधिवेशनअन्तर्गत निर्वाचन कार्यक्रम अघि बढाइएको हो।

समितिले सार्वजनिक गरेको विवरणअनुसार ताप्लेजुङ, पाँचथर, संखुवासभा, धनकुटा, सोलुखुम्बु, उदयपुर, झापा, मोरङ, महोत्तरी, रामेछाप, काभ्रेपलाञ्चोक, सिन्धुपाल्चोक, चितवन, भक्तपुर, ललितपुर, काठमाडौं, गोरखा, कास्की, मनाङ, पर्वत, स्याङ्जा, बागलुङ, नवलपुर, पाल्पा, अर्घाखाँची, गुल्मी, रुकुम पूर्व, रोल्पा, प्युठान, रुकुम पश्चिम, डोल्पा, जुम्ला, मुगु, हुम्ला, जाजरकोट, दैलेख, सुर्खेत, डोटी, अछाम, दार्चुला, बैतडी, कञ्चनपुर र कैलालीका वडामा अधिवेशन सम्पन्न भएको हो।

केन्द्रीय निर्वाचन समितिका अनुसार रसुवा, नुवाकोट र धादिङबाहेक अन्य ३१ जिल्लामा वडा अधिवेशन असोज ४ गते पनि जारी रहनेछ।

कांग्रेसले असोज १६ देखि १९ गतेसम्म १५औँ केन्द्रीय महाधिवेशन गर्ने कार्यतालिका तय गरेको छ। वडा अधिवेशनसँगै महाधिवेशनका लागि आवश्यक प्रतिनिधि चयनको प्रक्रिया अघि बढेको छ।