ब्राजिलमा चुनाव हारेपछि पासपोर्ट रद्ध गरिएका बोल्सोनारो अमेरिका पुगे

न्युयोर्क । ब्राजिलको राष्ट्रपति निर्वाचनमा पराजित भएपछि जाइर बोल्सोनारो ब्राजिल छाडेर अमेरिकाको फ्लोरिडा पुगेका छन्।

Watch On

अमेरिकी विदेश मन्त्रालयले बीबीसीलाई बताए अनुसार उसले बोल्सोनारो र उनको परिवारलाई भिसा जारी गर्नेछ।

ब्राजिलका राष्ट्रपति लुइज इनासियो लूला डा सिल्भाले बोल्सोनारोले देश छाड्नुलाई 'लाजमर्दो' भनेका छन्। 

ब्राजिल प्रहरीका अनुसार सर्वोच्च अदालतको आदेशका बाबजुद कागजात बुझाउन नसकेपछि बोल्सोनारोको पासपोर्ट रद्द गरिएको थियो।

लूलाले भने कि जब उनलाई आफ्नो पासपोर्ट बुझाउन भनिएको थियो, उनले त्यसै गरेका थिए। भ्रष्टाचारको आरोपविरुद्ध उनको पुनरावेदन खारेज भएपछि अदालतले उनलाई पासपोर्ट बुझाउन भनेको थियो।

सन् २०१८ मा घुसखोरीसँग सम्बन्धित मुद्दालाई लिएर पनि उनले कानुनी लडाइँ लड्नु परेको थियो।
लूलाले बोल्सोनारोले पनि त्यसै गर्नुपर्थ्यो भनेका छन्। उनले भने, 'ब्राजिल उनको दोस्रो देश हो, उनको पहिलो देश अमेरिकाको चाप्लुसी/चाकडी गर्नु हो।'

सोही भाषणमा लूलाले यो पनि भने, \जससँग लुकाउनका लागि केही छैन, उनीहरू डराउनुपर्ने कुनै आवश्यकता छैन।'

बोल्सोनारो कथित भ्रष्टाचार र मनी लाउन्ड्रिङका मुद्दाहरूमा अनुसन्धानको सामना गरिरहेका छन्। यद्यपि, उनले यी आरोपहरूको खण्डन गरेका छन्।

दक्षिणपन्थी उम्मेदवार बोल्सोनारो वामपन्थी नेता लूलासँग निर्वाचनमा पराजित भएका हुन्।