बालेनले किन लेखे आक्रोशपूर्ण स्टाटस ?

१७ भदौ, काठमाडौं - शनिबार राति ९ बजेर २१ मिनेटमा काठमाडौं महानगरपालिकाका मेयर बालेन शाहले व्यक्तिगत फेसबुक पेजमा एउटा आक्रोशपूर्ण स्टाटस लेखे । 

Watch On

उनको स्टाटसमा केन्द्रिय सरकारलाई धम्कीका साथै चेतावनी समेत थियो । उनले लेखेका थिए ः

आजको लागि केही भएन,

भोलिबाट हाम्रो महानगरपालिकाको कुनै पनि गाडी सरकारबाट रोकियो भने

सिंहदरबारमा आगो लगाइदिन्छु।

याद राख चोर सरकार।

कोटेश्वर चोकमा सवारी चेकिङमा परेपछि उनले याे स्टाटस लेखेकाे बुझिएकाे छ । 

शनिबार राति काठमाडौं महानगरपालिकाको गाडी कोटेश्वर चोकमा प्रहरी चेकिङमा केही समय रोकिएकाे थियाे । उक्त गाडीमा मेयर बालेन शाहकी पत्नी सविना काफ्ले थिइन् ।

रातिको सममा नियमित चेकिङमा बसेको ट्राफिक प्रहरीले उनी सवार गाडि राेकेकाे थियाे । प्रहरीका अनुसार मेयर शाहको गाडी थाहा पाएपछि केही समयमै छाेडिएकाे थियाे । 

रातिको समयमा मेयर पत्नी सविना ललितपुरको मेडिसिटी अस्पतालबाट फर्किँदै गर्दा उक्त घटनाक्रम विकसित भएको पाइएको छ । गत भदौ ८ गते शुक्रबार सविना काफ्ले ललितपुरको मेडिसिटी अस्पतालमा गर्भवती भएकी थिइन् । उनले छोरीलाई जन्म दिएकी थिइन्। स्रोतका अनुसार गर्भवतीपश्चात स्वास्थ्य अवस्था सामान्य रहेकी उनलाई ११ गते सोमबार अस्पतालबाट डिस्चार्ज गरिएको थियो ।  तर बच्चाको अवस्था भने अझै सुधारोन्मुख भएका कारण एनआइसियूमा राखिएको छ । सविना अस्पतालबाट फर्किँदै चेकिङमा परेके थिइन्  ।