नेभिगेशन
समाज

खैरहनीमा यस वर्ष पनि मेसिनबाट आलु रोपियो, १०० बिघामा खेती

चितवन । चितवनको खैरहनीमा गत वर्षदेखि सुरु गरिएको मेसिनबाट आलु रोप्ने प्रविधिलाई यस वर्ष पनि निरन्तरता दिइएको छ। कृषक जागरण बहुउद्देश्यीय सहकारी संस्था लिमिटेडमार्फत किसानले मेसिन प्रयोग गरेर आलु रोपेका हुन्।

Watch On

Facebook Tiktok Youtube Instagram Twitter

खैरहनी नगरपालिका–१० मा रहेको सहकारीले आलु रोप्ने मेसिन उपलब्ध नभएपछि बाराबाट भारतमा निर्मित मेसिन भाडामा ल्याएर रोपाइँ गरेको सहकारीका अध्यक्ष कृष्णप्रसाद अर्यालले बताए।

Marvel
Extreme Energy

सहकारीमार्फत गत वर्ष २०० बिघामा आलु खेती गरिएको थियो। यस वर्ष भने १०० बिघामा खेती गरिएको छ। गत वर्षदेखि मेसिनबाट आलु रोप्न थालिएको भन्दै अर्यालले मेसिन प्रयोग गर्दा खर्च कम हुने र काम गर्न सहज हुने बताए।

सहकारीमा ८४ किसान आबद्ध छन्। यस वर्ष सहकारीमार्फत रोपिएको १०० बिघामध्ये १२ बिघामा मेसिनबाट आलु रोपिएको अर्यालले जानकारी दिए। मेसिनले आलु र मल एकैसाथ रोप्ने भएकाले खेती लगाउन सहज भएको छ।

खैरहनी नगरपालिकाकी कृषि शाखा प्रमुख सिर्जना श्रेष्ठका अनुसार नगरपालिकामा आलु खेतीको क्षेत्रफल ९६ दशमलव ५ हेक्टर छ। यहाँ वार्षिक एक हजार ८०९ दशमलव ३८ मेट्रिकटन आलु उत्पादन हुन्छ।

खैरहनीमा मेसिनबाट आलु रोप्दा उत्पादन राम्रो भएको भन्दै श्रेष्ठले एक कठ्ठामा १२ क्विन्टलसम्म आलु फल्ने बताइन्।

खैरहनीमा एलआर गोलो, विदेशी ब्लु डायमण्ड, स्वदेशी कार्डिनल र बेल्जियम रातोलगायत जातका आलु उत्पादन हुँदै आएका छन्।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
नेपाल प्रहरीमा ‘केन्द्रीय गुनासो व्यवस्थापन डेस्क’ स्थापना

नेपाल प्रहरीमा ‘केन्द्रीय गुनासो व्यवस्थापन डेस्क’ स्थापना

नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।
अधिकांश विदेशी मुद्राको भाउ घट्यो, डलर ९९ पैसा सस्तियो

अधिकांश विदेशी मुद्राको भाउ घट्यो, डलर ९९ पैसा सस्तियो

नेपाल राष्ट्र बैंकले आजका लागि निर्धारण गरेको विदेशी मुद्राको विनिमयदरमा अधिकांश मुद्राको भाउ घटेको छ।
भारतको अधुरो वाचाः बालेनको भ्रमण बन्ला नेपाल–भारत सम्बन्धको नयाँ कडी?

भारतको अधुरो वाचाः बालेनको भ्रमण बन्ला नेपाल–भारत सम्बन्धको नयाँ कडी?

प्रधानमन्त्री बन्न र प्रधानमन्त्री बनेलगत्तै छिमेकी देश भ्रमण गर्न चाँजोपाँजो मिलाइहाल्ने परम्परालाई बालेन शाहले यसपटक तोडे। उनी प्रधानमन्त्री निर्वाचित भएको ९ महिनापछि भारत भ्रमणमा जाँदैछन्। लामो छलफल, परामर्श...