प्रधानमन्त्री प्रचण्डले आज तेस्रो पटक विश्वासको मत लिँदै

काठमाडौं । प्रधानमन्त्री पुष्पकमल दाहाल प्रचण्डले आज तेस्रो पटक विश्वासको मत लिँदैछन् । 

Watch On

सरकारलाई समर्थन दिएको कुनै दलले समर्थन फिर्ता लिएको ३० दिनभित्र विश्वासको मत लिनुपर्ने संवैधानिक व्यवस्था अनुसार प्रधानमन्त्री प्रचण्डले आज विश्वासको मत लिन लागेका हुन् । कांग्रेससँगको गठबन्धन भत्काएर एमाले सहितको गठबन्धन बनाएका प्रचण्डलाई एमाले, रास्वपा, जसपा र नेकपा एसको समर्थन रहेको छ । 

हाल २७४ सदस्यीय  प्रतिनिधिसभामा बहुमत पग्न १३८ सदस्य आवश्यक पर्छ । अहिले सत्ताा गठबन्धनसँग प्रतिनिधिसभामा १५३ सदस्य छन् । जस मध्ये एमाले ७८, माओवादी ३२, रास्वपा २१, जसपा १२ र एकीकृत समाजवादीका १० सदस्य छन् ।

यसमध्ये एमालेका टोपबहादुर रायमाझी निलम्बनमा परेकाले मत हाल्न पाउँदैनन् भने सभामुख देवराज घिमिरेले सभाको नेतृत्वकर्ताको हिसाबले मतदानमा सहभागी हुन पाउँदैनन् । 

सत्तारुढदलहरुले प्रधानमन्त्रीलाई विश्वासको मत दिन ह्विनै जारी गरेका छन् । एमालेको संसदीय दलको मंगलबार बसेको बैठकले विश्वासको मत दिन सांसदहरूलाई ह्विप जारी गरेको हो । 

एउटै कार्यकालमा प्रचण्डकाे तेस्रो पटक परिक्षा

बुधबार प्रचण्डले तेस्रोपटक विश्वासको मत लिदै छन् । गत पुसमा तेस्रो पटक प्र्रधानमन्त्री भएपछि पुस २६ गते प्रचण्डले पहिलो पटक विश्वासको मत लिएका थिए । जसमा २ सय ६८  सांसदले विश्वासको मत दिएका थिए । सत्तारुढ नेकपा एमाले, माओवादी, रास्वपा, राप्रपा, जसपा, जनमत, नागरिक उन्मुक्ति पार्टी र तीन स्वतन्त्र पार्टी मात्र नभई नेपाली कांग्रेस र लोसपाले समेत विश्वासको मत दिएका थिए । यो बेला प्रतिनिधिसभाको कुल ९८.१८ प्रतिशत विश्वास प्रचण्डलाई थियो ।

यस्तो दोस्रो पटक राष्ट्रपति निर्वाचनअघि गठबन्धनबाट एमाले, रास्वपा र राप्रपा बाहिरिए पछि नेपाली कांग्रेस सरकारमा भित्रियो । एमाले सहितको गठबन्धन भत्किएपछि प्रचण्डल काग्रेस, नेकपा एस, जसपा लगायत आठदलीय सत्तागठबन्धन बनाए । सत्तारुढदलले समर्थन फिर्ता लिएपछि पुन चैत  ६ गते दोस्रो पटक  विश्वासको मत लिए । यो बेला उनले एक सय ७२ सांसदको समर्थन पाएका थिए । 

र आज तेस्रो पटक विश्वासको मत लिदै छन् । अहिले पुन एमालेसँगको गठबन्धमा पुुगेका प्रचण्डलाई नेकपा एस र जसपा पनि सरकारमा सहभागी भएपछि विश्वासको मत आफ्नो पक्षमा हुनेमा ढुुक्क छन् ।