सबै कुरा

कांग्रेसलाई ओलीको प्रश्न : २ महिनामा सरकार परिवर्तन गर्दा स्थिर, १४ महिनापछि अस्थिर ?

सिधाकुरा

बुधबार, फागुन ३०, २०८०

कांग्रेसलाई ओलीको प्रश्न : २ महिनामा सरकार परिवर्तन गर्दा स्थिर, १४ महिनापछि अस्थिर ?

काठमाडौँ । नेपाल कम्युनिष्ट पार्टी (एमाले) का अध्यक्ष केपी शर्मा ओलीले अस्थिरताको खेती नगर्न कांग्रेसलाई सुझाव दिएका छन् ।

Watch On

बुधबार प्रतिनिधिसभाको बैठकमा ओलीले प्रतिस्पर्धाको प्रणालीमा कसैको बहुमत नभएको अवस्थामा सरकार परिवर्तन स्वभाविक भएको भन्दै अस्थिरताको खेती नगर्न कांग्रेसलाई सुझाव दिएका हुन् । दुई महिनामा सरकार परिवर्तन गर्दा अस्थिरता नलाग्ने तर १४ महिनापछि सरकार परिवर्तन गर्दा अस्थिरता भयो भन्न नमिल्ने उनको भनाई छ ।

ओलीले ७० सालको चुनावपछि कांग्रेसले पटक पटक अरुलाई धोका दिदै आएको भन्दै कांग्रेसले बाचा बन्धनमा अडिएको, इमानको खानी, बेइमानी नगर्ने भन्दा आश्चर्य लागेको धारणा राखे । कांग्रेससँगको सहयात्रा असहज भएपछि प्रधानमन्त्रीको चाहना र आफूहरुको सहयोगमा सरकार पुनःगठन भएको उनले बताए ।

सरकार परिवर्तन नेपालका दलहरु मिलेर गरेकाले यसमा विदेशी वा छिमेकी मुलुकलाई जोडेर हेर्न आवश्यक नरहेको उनको भनाई छ । अध्यक्ष ओलीले देशमा विभिन्न नाममा राष्ट्रिय एकतामा भाँजो हाल्ने र समाजमा विद्वेश फैलाउने तथा पश्चगमनमा लाने प्रवृत्तिहरु देखा परेकाले देशलाई केन्द्रमा राखेर न्याय र समनाताको प्राप्तिका लागि अग्रसर हुनुपर्नेमा जोड दिए ।

प्रकाशित मिति: बुधबार, फागुन ३०, २०८०

प्रतिक्रिया दिनुहोस्