सबै कुरा

बाँसबारी छाला जुत्ता कारखानाको जग्गा सरकारीकरण गर्ने निर्णय

सिधाकुरा

शुक्रबार, चैत ९, २०८०

बाँसबारी छाला जुत्ता कारखानाको जग्गा सरकारीकरण गर्ने निर्णय

सरकारले विवादित बाँसबारी छाला जुत्ता कारखानाको जग्गा सरकारीकरण गर्ने निर्णय गरेको छ । भूमि सुधार तथा मालपोत कार्यालय डिल्लीबजारले सो निर्णय गरेको हो ।

Watch On

भूमिसुधार तथा मालपोत कार्यालय डिल्लीबजारले च्याम्पियन फुटवेयरले पाएको १० रोपनी जग्गा सरकारकै भएको ठहर गर्दै सरकारको नाममा ल्याउने निर्णय गरेको हो । कार्यालयका प्रमुख छविराम नेपालीका अनुसार उक्त जग्गा मालपोत ऐन २०३४ को दफा २४ अनुसार नेपाल सरकारको मातहत ल्याइएको हो ।

त्यस्तै जग्गा सरकारीकरण गरिएको घोषणा गर्न आयोजित पत्रकार सम्मेलनमा बोल्दै नेपालीले सीआईबीको सहयोगमा लामो समयदेखि आफूहरुले उक्त जग्गा जरकारको नाममा ल्याउने प्रकिया सुरु गरेको र आज अन्तिम टुंगो लागेको बताएका छन् ।

नेपालीका अनुसार नेपाल सरकारको सहमतिबिना नै २ चरणमा गरेर १० रोपनी सरकारी जग्गा फुटवेयरको नाममा गएको हो । २०४४ भदौ ५ मा ६ रोपनी र २०४४ मंसिर १८ मा ४ रोपनी गरी कुल १० रोपनी जग्गा च्याम्पियन फुटवेयरको नाममा नामसारी भएको थियो ।

२०४४ सालमा च्याम्पियन फुटवेयरको नाममा उक्त जग्गा हडपिएको भएपनि हाल उक्त जग्गामा चौधरी ग्रुपले चाँदबाग संचालन गरिरहेकाे छ ।

प्रकाशित मिति: शुक्रबार, चैत ९, २०८०

प्रतिक्रिया दिनुहोस्