सबै कुरा

'सहकारीमा रवि विरुद्ध कुनै प्रमाण छैन, समस्या जिबी राई हुन्' आइजिपी कुँवर

सिधाकुरा

बुधबार, चैत १४, २०८०

'सहकारीमा रवि विरुद्ध कुनै प्रमाण छैन, समस्या जिबी राई हुन्' आइजिपी कुँवर

काठमाडौँ । नेपाल प्रहरीका महानिरीक्षक(आइजिपी) बसन्तबहादुर कुँवरले सहकारी ठगी प्रकरणमा रवि लामिछानेविरुद्ध कुनै तथ्य नभएको जनाएका छन् ।

Watch On

राज्‍य व्यवस्था तथा सुशासन समितिमा जवाफ दिदै आइजिपी कुँवरले लामिछानेविरूद्ध अनुसन्धान गर्दा तथ्य प्रमाण नभेटिएको बताएका हुन् । उनले भने ‘अहिले सहकारीको विषयमा अलिअलि सांकेतिक रूपमा आयो। ठाडो उजुरीको रूपमा इस्यू आयो दर्ता भयो। तर कुनै पनि काम अनुसन्धान गर्दा तथ्य प्रमाणमा भेटिँदैन। कानुनी दायरामा पर्ने अवस्था छैन। र अहिले त्यो जुन सांकेतिक रूपमा आएको छ रवि लामिछाने भन्ने त्यो विषयमा अहिलेसम्मको तथय प्रमाणमा कुनै पनि आधार देखिँदैन,’ ।

यस्तै आइजिपी कुँवरले सहकारीको मुख्य समस्याको जड जिबी राई भएकाले उनलाई नेपाल ल्याउन सबै प्रयास गरिरहेको बताए । उनले भने ‘जिबी राईको सन्‍दर्भमा हामी संवेदनशील छौं। किनकी यो समस्याको मुख्य जड त्यही हो भन्ने हामीलाई लाग्छ। डिफ्युजन नोटिस जारी भयो। सुपुर्दगी गर्न पत्र पठाऊ भन्यो। हामीले परराष्ट्र मन्त्रालयमार्फत् पत्र पठायौं। त्यो अहिले इन्टेरियर मिनिस्ट्रीमा गएर बसेको छ। तर मलेसियन सरकार अहिले यति हुँदाहुँदै पनि बाध्य भएको छैन,’।