सबै कुरा

कोषका कोषाध्यक्षकै निर्देशनमा पशुपतिकाे भेटी चाेरी

सिधाकुरा

मंगलबार, जेठ ८, २०८१

कोषका कोषाध्यक्षकै निर्देशनमा पशुपतिकाे भेटी चाेरी

काठमाडाैँ । पशुपतिनाथ मन्दिरको भेटी चोरी गर्ने कार्यमा पशुपति क्षेत्र विकास कोषका कोषाध्यक्षनै संलग्न रहेको पाइएको छ । भेटी चोरी गरेको आरोपमा पक्राउ परेका अनिल परियारले आफूहरुले कोषका कोषाध्यक्ष नारायणप्रसाद सुवेदीकै निर्देशनमा भेटी चोरेको बयान दिएका छन् ।

Watch On

कोषको संस्कृति संरक्षण महाशाखाको भेटी गणना कक्षबाट कर्मचारीले नै भेटी लुकाएर लैजाने गरेको सूचनापछि निगरानी गरेको कोषले सिसिटिभी फुटेजमा नै कर्मचारीले भेटी चोरेको पाएपछि प्रहरी वृत्त गौशालालाई जानकारी गराएको थियो । कोषको जानकारीपछि पुगेको प्रहरी टोलीले सोमबार भेटी चोरिरहेको अवस्थामा कोषका सात जना कर्मचारीसहित ८ जनालाई पक्राउ गरेको थियो ।

पक्राउ पर्नेहरुमा कोषका कर्मचारी नवराज ढोडारी, ब्राह्मणहरू नवराज घिमिरे, राम सापकोटा र लक्ष्मण सापकोटा, बाजा बजाउने कर्मचारीहरू अनिल परियार, सनिष कपाली, कुमार दमाइ र नेपाल इन्भेस्टमेन्ट मेघा बैंकको रकम संकलन केन्द्रका एक कर्मचारी रहेका छन् ।

पशुपतिनाथ मन्दिरबाट दैनिक तीन लाखदेखि तीन लाख ५० हजार रुपैयाँसम्म भेटी संकलन हुँदै आएको छ । तर पछिल्लो समय उक्त रकम घटेपछि निगरानी गरेको कोषले अभियुक्तहरुले ज्याकेटमा भेटी लुकाएर लाने गरेको पाएको छ।

प्रकाशित मिति: मंगलबार, जेठ ८, २०८१

प्रतिक्रिया दिनुहोस्