सभामुख चप्पलमै कार्यक्रममा, तर चप्पल लगाएको भन्दै रेडियो नेपालकी पत्रकारलाई प्रवेश निषेध

मकवानपुर । आज असार ४ गते बागमती प्रदेश सभा सचिवालयमा कोशी प्रदेश संसदीय पत्रकार मञ्चको अन्तक्रिया कार्यक्रम भएको थियो । सभामुख भुवन पाठक प्रमुख अतिथि रहेको सो अन्तक्र्रिया कार्यक्रममा सचिवालयले अन्तक्र्रिया कार्यक्रममा मकवानपुरका पत्रकारहरुलाई आमन्त्रण गरिएको थियो । 

Watch On

करीब ३५ जनाको सहभागिता रहेको कार्यक्रममा रेडियो नेपालकी सम्वाददाता प्रतिक्षा न्यौपानेलाई भने प्रदेश सभा सचिवालयका मर्यादा पालकहरुले चप्पल लगाएर आएको भन्दै भित्र जान रोक लगायो । 

चप्पल लगाएर सचिवालयमा प्रवेश गर्न नपाईने भनेपछि पत्रकार न्यौपाने बाहिरै बसिन् । बाहिरै बस्नु परेको उनले पोष्ट गरेको यो स्टाटस हेर्नुस् ।  

तर अचम्म के भने, प्रदेश सभा सचिवालयमा भएको त्यही अन्तक्र्रिया कार्यक्रमका प्रमुख अतिथि सभामुख भुवन पाठक भने चप्पलमै उपस्थित भए । उनी सचिवालयमा कार्यक्रममा आएका पत्रकारहरुसँग चप्पल लगाएरै गफिएको भेटिए ।

सो अन्तक्र्रिया कार्यक्रममा भाग लिएका प्रदेश सभा सचिवालयका सचिव कृष्णहरि खड्काले सिधाकुरासँग कुरा गर्दै चप्पल र हाफपाईन्ट लगाएर कसैले प्रवेश नपाउने दाबी गरेका छन् । तर सोही कार्यक्रममा सभामुखले चप्पल लगाएको आफूले नदेखेको दाबी गरे ।

तर, सिधाकुराले फोटो र भिडियो प्रमाणमै सभामुखले चप्पल लगाएको देखिएको छ किन झुट बोलेको भनेर प्रश्न गर्दा सचिव खड्काले आफूलाई मातहतले ब्रिफिङ नगरेको भन्दै कुरा गर्नै चाहेनन् ।