नेभिगेशन
सबै कुरा

नक्कली भुटानी शरणार्थी प्रकरणः बेचन झाको बयानमा के छ ?

काठमाडौँ । नक्कली भुटानी शरणार्थी प्रकरणमा मन्त्रिपरिषद् मै सेटिङ मिलाएका दाबी गरिएका बेचन झाविरुद्धकाे मुद्दा बुधबार हेर्दाहेर्दैमा सकिएको छ। काठमाडौँ जिल्ला अदालतका न्यायाधीश तिर्थराज केसीको इजलासमा भएको थुनछेक बहस अब बिहिबार हुने छ । बहस पछि झालाई तारेखमा राख्ने कि कारागार राखेर पुर्पक्ष गराउने भन्ने आदेश आउने छ। 

Watch On

Facebook Tiktok Youtube Instagram Twitter

झा विरुद्ध ठगी, लिखत कीर्ते, राज्यविरुद्धको अपराध र संगठित अपराधसहित चार वटा कसुरमा मुद्दा दायर भएको छ। असार १३ गते पक्राउ परेको झालाई जिल्ला प्रहरी परिसरको हिरासतमा डेढ महिना बढी राखेर बयान लिइएको थियो। झाले शरणार्थी प्रकरणमा आफूलाई कुनै पनि विषय थाहा नभएको इन्कारी बयान दिएका छन्। 

Everest cinsult

नेपाल र भारत दुवै देशको नागरिकता बोक्ने झाले नेपालीलाई भुटानी शरणार्थी बनाएर अमेरीका पठाउने गरि क्याबिनेटबाट निर्णय गराउन नेपालीहरुबाट पैसा लिएको पीडितहरुको दाबी छ । 

उनले क्याबिनेटमा मिलाइसकेको भन्दै डिल गरेको अडियो पनि सार्वजनिक भएको थियो । साथै, उनले चेक लिएको समेत देखिएको थियो । तर, उनले बयानमा क्रममा पैसा लिएको तथा अडियो संवाद दुवै नकारकेका छन् भने अन्य व्यक्तिहरुसँगको चिनजान समेत नभएको बयान दिएका छन् । निकै छोटो बयान दिएका उनले पोलिग्राफ गर्न भने नमानेको प्रहरीले जनाएको छ।

यस्तो छ झाले दिएको इन्कारी बयानः

"मेरो शारररीक अवस्थामा रुघा खोकी,जरो  टाउको दुखारहेकाे छ, साथै आँखामा समस्या भएको छ, पढ्न लेख्न कठिनाइ भएको छ । मानसिक अवस्था ठिक छ । बयान कार्य गर्न सक्छु। कानुन व्यवसायी राख्ने पाइने बारे थाहा छ, मैले कानून व्यवसायी राखीसकेको छु। मलाई प्रहरी हिरासतमा राख्न आफन्तसँग भेटघाट गर्न पाइरहेको छु। प्रहरी हिरासतमा अन्य कुनै शारिरिक र मानसिक यातना दिइएको छैन । मिसिलमा संलग्न मिति २०८१÷०३÷१४ गतेको दाखिला प्रतिवेदन साथ पेश भएको सामसुङ कम्पनीको खरानी रङको मोवाइल, एप्पल कम्पनिको आकाशे रङको मोवाइल, रातो रङको २०२४ लेखिएको डायरीहरु मलाइ देखाईँदा देखें र चिनें । उक्त मोवाइल समेत मेरो हो । सो मोवाइल मैले आज भन्दा एक वर्ष अघि खरिद गरि चलाएको हुन सक्छ, एकिन मिति थाहा भएन । मिसिलमा संलग्न मिति २०८१÷०३÷२८ गतेको प्रतिवेदन साथ पेश भएको कालो रङको पर्स १, द्यभअजबल व्जब भारत सरकार लेखिएको आधार काडा थान १, र द्यभ्ऋज्ब्ल् व्ज्ब् आयकर भिाग भारत सरकार लेखिएको कार्ड थान १ समेत मलाइ देखाईदा देखि पाएँ , उक्त पर्स र काडहरु मेरो हो, हेरी चिनी सनाखत समते गरि दिए । भुटानी शरणाथी सम्बन्धमा मलाइ जानकारी छैन । म कुनै राजनजैतक पाटिमा आवद्ध ब्यक्ति होइन । टेक नारायण पाण्डेंसँग मेरो चिनजान सम्पर्क समेत केही नभएकोले निजले कहाँ के कस्तो बयान दिएका हुन् उनै जानुन, चेकको सम्बन्धमा मलाई केही जानकारी छैन । अडियोमा भएको संवाद मेरो होइन । भिडियोमा देखिएको व्यक्तिहरु कोको हुन मलाई थाहा भएन । म मेरो आवाज परिक्षण गर्न मञ्जुर छु । श्याम कृष्ण श्रेष्ठलाई म चिन्दिन, निजले के बयान दिएका छन् मलाई सरोकार छैन । हरिभक्त महर्जनलाई म चिन्दिन, मैले निजबाट कुनैपनि रकम लिएको छैन,उसले कहाँ के बयान दिएका छन् उनै जानुन् ।"


प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप सबै कुरा
पोखरा विमानस्थल अनियमितताबारे विशेष अदालतमा मुद्दा दायर

पोखरा विमानस्थल अनियमितताबारे विशेष अदालतमा मुद्दा दायर

आयोगले तत्कालीन पर्यटन सचिव केदारबहादुर अधिकारीसहित २१ जना र दुई कम्पनीलाई प्रतिवादी बनाउँदै मुद्दा दायर गरेको अदालतका सहप्रवक्ता यज्ञराज रेग्मीलेले जानकारी दिए।
मकवानपुरमा भरूवा बन्दुक सहित एक जना पक्राउ

मकवानपुरमा भरूवा बन्दुक सहित एक जना पक्राउ

निजको घरमा भरूवा बन्दुक लुकाइछिपाइ राखेको भन्ने सूचनाका आधारमा इलाका प्रहरी कार्यालय फापरबारीबाट खटिएको प्रहरीले घर तलासी गर्दा उक्त बन्दुक फेला पारी प्रजापतिलाई पक्राउ गरिएको केन्द्रीय प्रहरी समाचार...
इनिशा विक प्रकरणको अनुसन्धानबारे के भन्छन् आईजीपी कार्की ?

इनिशा विक प्रकरणको अनुसन्धानबारे के भन्छन् आईजीपी कार्की ?

अन्तर्राष्ट्रिय जाति तथा रंगभेद उन्मूलन दिवसको अवसरमा शनिबार काठमाडौंमा आयोजित कार्यक्रममा प्रहरी महानिरीक्षक कार्कीले सुर्खेतको उक्त घटनामा कानुनलाई अक्षरशः पालना गर्दै तथ्य र प्रमाणको आधारमा अनुसन्धान भइरहेको बताएका...
सिकारीको गोली लागेर घाँस काट्न गएकी महिला गम्भीर घाइते

सिकारीको गोली लागेर घाँस काट्न गएकी महिला गम्भीर घाइते

स्थानीय ४१ वर्षीय कान्छिमाया तामाङलाई बिहीबार अपरान्ह सिकारीले हानेको गोली छातीमा लाग्दा उनको अबस्था गम्भीर रहेको जिल्ला प्रहरी कार्यालयका प्रहरी उपरीक्षक विपिन रेग्मीले जानकारी दिए ।