सबै कुरा

सुनकोशीले खुर्कोट बजार डुब्यो

सिधाकुरा

शनिबार, असोज १२, २०८१

काठमाडाैँ । सुनकोशी खोलामा गएको बाढीका कारण सिन्धुलीको खुर्कोट बजार डुबेको छ । बिहिबारदेखि गएको अविरल वर्षाका कारण सुनकोशीमा आएको बाढीले खुर्कोट बजार डुबाएको हो । सो बजारको करिब १० घरमा पूर्ण क्षति भएको छ भने करिब ३० घर डुबेका छन् ।

Watch On

काभ्रेको रोशी र सुनकोशीमा आएको बाढीका कारण सुनकोशीको तटिय क्षेत्रमा रहेको खुर्कोट बजारका अधिकांश संरचना डुबानमा परेको हो । स्थानीयहरु विपि राजमार्गमा उत्रिएर हारगुहार गरिरहेको भिडियोहरु सार्वजनिक भएका छन् ।

बाढीले बजार डुबाएपछि स्थानीयहरुलाई प्रशासनको सहयोगमा सुरक्षित स्थानमा स्थानान्तरण गरिएको जिल्ला प्रशासन कार्यालयले जनाएको छ । सिन्धुलीका प्रमुख जिल्ला अधिकारी लीला प्रसाद शर्माका अनुसार सो बजारमा रहेका सुरक्षाकर्मीका स्थायी संरचनालगायत अधिकांश संरचना डुबान भएका छन् ।

त्यस्तै आवास नै डुबानमा परेपछि स्थानीयहरु सामाजिक संजालमा लाइभ गरेर सहयोगको याचना गरिहेका छन् । ती लाइभ भिडियोमा बजारका अधिकांश घरका पिल्लर मात्र बाँकी छन् । नदी उर्लिएर अधिकांश बजार ढाकेको छ ।

त्यस्तै रोशीमा गएको बाढीले मुल्कोट क्षेत्रको विपि राजमार्गनै बगाएको छ । बाढी र पहिरोले करिब एक सय मिटर राजमार्ग बगाएको छ ।

प्रकाशित मिति: शनिबार, असोज १२, २०८१

प्रतिक्रिया दिनुहोस्