नेपा एपले ल्यायो पिरियड ट्र्याकिङदेखि अडियो नोट रिमाइन्डरसम्म १० भन्दा बढी उपयोगी टुल्स

काठमाडौँ । नेपाली प्रयोगकर्तालाई लक्षित गर्दै सञ्चालनमा रहेको नेपा एपले आफ्नो नयाँ अपडेट मार्फत दैनिक जीवनमा उपयोगी हुने १० भन्दा बढी नयाँ टुल्स थप गरेको छ। एपलाई थप उपयोगी, सहज र बहुउद्देश्यीय बनाउने उद्देश्यले नयाँ टुल्सहरू ल्याइएको हो।

Watch On

नयाँ अपडेटमा PDF Scanner, QR Scanner, Internet Speed Test, Period Tracker, Unit Converter, Calculator, Notes & Reminders, Loan Calculator, My Location र Tax Calculator लगायतका टुल्स समावेश गरिएको छ।

प्रयोगकर्ताले  PDF Scanner मार्फत मोबाइलबाटै आवश्यक कागजात स्क्यान गरी PDF बनाउन सक्नेछन् भने QR Scanner बाट विभिन्न QR कोड सजिलै स्क्यान गर्न सक्नेछन्। त्यस्तै, Internet Speed Test मार्फत मोबाइलको इन्टरनेट स्पिड परीक्षण गर्न सकिनेछ।

विशेषगरी महिलाहरूका लागि उपयोगी हुने Period Tracker मार्फत महिनावारीको चक्र तथा सम्बन्धित मितिहरू ट्र्याक गर्न सकिनेछ। साथै, महिनावारी हुन सक्ने सम्भावित दिनको जानकारी रिमाइन्डरमार्फत प्राप्त गर्न सकिनेछ। Unit Converter  र Calculator ले दैनिक आवश्यक पर्ने सामान्य गणना तथा एकाइ रूपान्तरणलाई सहज बनाउनेछन्।

त्यसैगरी Notes & Reminders टुल्समार्फत महत्वपूर्ण कुराहरू लेखेर सुरक्षित राख्नुका साथै आवश्यक समयमा सम्झनका लागि रिमाइन्डर सेट गर्न सकिनेछ। प्रयोगकर्ताले आफ्नो महत्वपूर्ण जानकारीलाई अडियो नोटका रूपमा समेत सुरक्षित गर्न सक्ने सुविधा उपलब्ध गराइएको छ।

Loan Calculator बाट ऋणको किस्ता तथा भुक्तानीसम्बन्धी सामान्य हिसाब गर्न सकिनेछ भने Tax Calculator बाट आम्दानी तथा करसम्बन्धी अनुमानित गणना गर्न सकिनेछ। त्यस्तै, GPS Share सुविधामार्फत प्रयोगकर्ताले आफ्नो स्थानसम्बन्धी जानकारी प्राप्त गर्न सक्नेछन्।

नेपा एपका अनुसार नयाँ टुल्स थप गर्नुको उद्देश्य नेपाली प्रयोगकर्ताले दैनिक रूपमा आवश्यक पर्ने विभिन्न डिजिटल सेवाहरू एउटै एपबाट सहज रूपमा प्रयोग गर्न सकून् भन्ने हो। आगामी दिनमा पनि प्रयोगकर्ताको आवश्यकता र सुझावअनुसार थप उपयोगी सुविधा तथा टुल्सहरू थप गर्दै जाने एपले जनाएको छ।

नेपा एपमा यसअघि नै नेपाली पात्रो, पञ्चाङ्ग, राशिफल, नेपाली समाचार, जिल्ला समाचार, नेपाली एफएम रेडियो, ट्रेन्डिङ विषय तथा अन्य विभिन्न सामग्री उपलब्ध हुँदै आएका छन्। नयाँ टुल्स र आगामी सुविधाहरू थपिएसँगै एपले नेपाली प्रयोगकर्ताका दैनिक आवश्यकता तथा उपयोगी जानकारीलाई एउटै प्लेटफर्ममा उपलब्ध गराउने लक्ष्य राखेको जनाएको छ।