सबै कुरा

हाम्रो लागि सरकार मरे पनि न्यायालयप्रति विश्वास छः उपसभापति डीपी अर्याल

सिधाकुरा

शनिबार, कात्तिक ३, २०८१

हाम्रो लागि सरकार मरे पनि न्यायालयप्रति विश्वास छः उपसभापति डीपी अर्याल

काठमाडौं । राष्ट्रिय स्वतन्त्र पार्टी(रास्वपा)का उपसभापति डीपी अर्यालले रास्वापलाई न्यायालयप्रति विश्वास रहेको दोहोराएका छन् । पोखरामा आयोजित विरोध प्रदर्शनमा बोल्दै अर्यालले सरकारले आफ्नो राजनीति सकिने डरले लामिछानेलाई पक्राउ गरेपनि न्यायालयले लामिछानेलाई मात्र नभई एउटा अभियानलाई बचाउने विश्वास व्यक्त गरे ।

Watch On

उनले भने,‘मैले भखरै पार्टी सभापतिलाई भेटेर आएको छु । उहाँ निर्धक्क हुनुहुन्छ। हामीलाई न्यायालयप्रति विश्वास छ। हामीले सघाउने हो। यो देशमा सरकार मरिसक्यो, न्यायालय मरेको छैन। न्यायालयले रवि लामिछाने होइन, एउटा अभियानलाई बचाउनेछ ।’

साथै अर्यालले लामिछाने र रास्वपासँग डराएर कांग्रेस एमालेले रविलाई अपत्याशित ढंगले पक्राउ गरेको गुनासो गरे । उनले भन,े ‘हामीले जनताका लागि केही गर्ने उद्देश्यका साथ हिँडेको थियौं। हामीले रवि लामिछाने एक जनाको लागि मागेका होइनौं। म आग्रह गर्छु, हामीले केही गर्न थालेको अभियानलाई रोक्न रविमाथि अप्रत्याशित ढंगले पक्राउ गरिरहेको छ।’

रास्वपा सकाउने मनसाय राखेर कांग्रेस एमालेले रवि लामिछानेलाई थुनेको दाबी अर्यालको छ ।

प्रकाशित मिति: शनिबार, कात्तिक ३, २०८१

प्रतिक्रिया दिनुहोस्