एमाले गण्डकी प्रदेशको अध्यक्षमा शर्मा विजयी
१९ असोज,गण्डकी । नेकपा (एमाले) गण्डकी प्रदेश कमिटीको पहिलो अधिवेशनबाट अध्यक्षमा नवराज शर्मा विजयी भएका छन् । गए राति सार्वजनिक भएको मत परिणामअनुसार अध्यक्षका अर्का प्रतिस्पर्धी मायानाथ अधिकारीलाई एक सय ६६ मतान्तरले हराउँदै शर्मा विजयी भएका हुन् ।
शर्माले पाँच सय ३१ मत ल्याउँदा अधिकारीले तीन सय ६५ प्राप्त गरेकाथिए । म्याग्दीका शर्मा यसअघिको प्रदेश कमिटीका पनि अध्यक्ष थिए ।
यस्तै पाँच सय ३४ मतसहित उपाध्यक्षमा मीनप्रसाद गुरुङ विजयी भएका छन् भने उपाध्यक्षका अर्का उम्मेदवार बाबुराम सुनारले तीन सय ७२ मत प्राप्त गरे । सचिवमा धनञ्जय दवाडीले पाँच सय २० मत ल्याएर विजयी हुँदा प्रतिस्पर्धी रश्मी आचार्यले तीन सय ६७ मत पाए ।
उपसचिवमा चार सय ९९ मतसहित दामबहादुर विक विजयी हुँदा प्रतिस्पर्धी सन्तोष रावलले तीन सय ९७ मत प्राप्त गरे ।
उपसचिव महिलातर्फ पाँच सय ३१ मत ल्याएर मञ्जु गुरुङ विजयी भइन् भने प्रतिस्पर्धी मीना गुरुङले तीन सय ६५ मत प्राप्त गरिन् ।
बिहीबार भएको मतदानमा कुल नौ सय सात प्रतिनिधिमध्ये आठ सय ९६ जनाले मतदान गरेको थिए ।
अधिवेशनबाट पाँच पदाधिकारीसहित विभिन्न ‘कलस्टर’बाट एक सय ६५ उम्मेदवार निर्वाचित भएका छन् ।
भर्खरै
- प्रहरीकाे 'अपरेसन फोस्टर डेल्टा' : ८ वर्षदेखि नक्कली कागजात बनाउने गिरोह पक्राउ
- संवैधानिक पदाधिकारी नियुक्ति विवादको सुनुवाइ सकियो, जेठ २८ मा फैसला
- रविन्द्र मिश्रलाई सर्वोच्च उपस्थित गराइयो, सुनुवाई भोलि हुने
- नेप्से परिसूचकमा लगातार पाचौँ दिन पनि गिरावट
- शुल्क लिएर दमक भ्यू टावर सञ्चालन गर्न मन्त्रीपरिषद्को स्वीकृति
- प्रतिनिधिसभामा दुई प्रतिवेदन पेस
- राष्ट्र बैंकको गभर्नरमा मेरो उम्मेदवार कोही पनि छैन : प्रधानमन्त्री ओली
- ८ वर्षयता नक्कली लाइसेन्सदेखि जग्गाधनी पूर्जासमेत बनाउने गिरोह पक्राउ (तस्विरहरु)
