सबै कुरा

उपचुनाव नतिजापछि हिरासतबाट रवि लामिछानेको सन्देश ‘परिवर्तन जन्मिने क्रममा छ, ८४ मा यो परिपक्क बन्छ’

सिधाकुरा

सोमबार, मंसिर १७, २०८१

उपचुनाव नतिजापछि हिरासतबाट रवि लामिछानेको सन्देश ‘परिवर्तन जन्मिने क्रममा छ, ८४ मा यो परिपक्क बन्छ’

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले यो देशले खोजेको परिवर्तन जन्मिने क्रममा रहेको र अहिले प्रसव पीडा भोगिरहेको बताएका छन् ।

स्थानीय तह उपनिर्वाचनको मत परिमाण सार्वजनिक भएपछि सोमबार जिल्ला प्रहरी परिसर काठमाडौंको हिरासतमा भेट्न पुगेका नेता कार्यकर्ताहरूसँग कुरा गर्दै लामिछानेले यस्तो धारणा राखेका हुन् ।

उनले काठमाडौं महानगरपालिकाको वडा नम्बर १६ मा विजयी भएकी रोजिना श्रेष्ठलाई बधाई सन्देश पठाउँदै लामिछानेले यो वडाले परिवर्तनको जनाउ घण्टी बजाएको बताएको एक नेताले बताए ।

‘पार्टी निर्माण भएपछि संसदीय निर्वाचनमा केन्द्रमा घण्टी बजायौँ,’ लामिछानेको भनाई उदृत गर्दै एक नेताले सिधाकुरासँग भने, ‘उपनिर्वाचनमार्फत चितवन र तनहुँमा घण्टी बज्यो । स्थानीय तहमा पनि अब रोजिनाजीले जनाउ घण्टी बजाउनु भएको छ। २०८४ मा देशभर बजाउने हो ।’

सभापति लामिछानेले आफूमाथिको राजनीतिक प्रतिशोधको विरुद्धमा विद्रोही मत दिएर रास्वपालाई विजयी गराएका मतदातालाई धन्यवाद दिएको पनि ति नेताको भनाई छ ।

‘परिवर्तन जन्मिने पक्का भयो, मलाई दिइएको दुःख जन्मिने बेला अघिको प्रसव पीडा हो,’ केही समय केही मानिसहरूले दुःख पाउँछन्, तर परिवर्तन रोक्न छेक्न सकिन्न,’ सभापतिको भनाई उदृत गर्दै ति नेताले भने ।

लोकतान्त्रिक व्यवस्थामा आफूमाथि अलोकतान्त्रिक व्यवहार गरिएको र त्यसको सामना गर्ने पनि लामिछानेले बताएको ति नेताले सुनाए ।