सबै कुरा

रास्वपाबाट निर्वाचित वडाध्यक्षलाई बालेनले सोधे ‘पहिले अरु कुनै पार्टीमा हुनुहुन्थ्यो ? ’ (भिडियाे)

सिधाकुरा

मंगलबार, मंसिर १८, २०८१

रास्वपाबाट निर्वाचित वडाध्यक्षलाई बालेनले सोधे ‘पहिले अरु कुनै पार्टीमा हुनुहुन्थ्यो ? ’ (भिडियाे)

काठमाडौँ । काठमाडौँ महानगरपालिका १६ की नवनिर्वाचित वडाध्यक्ष रोजिना श्रेष्ठले मंगलबार पद तथा गाेपनीयताकाे शपथ ग्रहण गरेकी छिन् । काठमाडौँ महानगरपालिकाको कार्यालय कमलादी पुगेर उनले शपथ ग्रहण गरेकी हुन् ।

Watch On

महानगरका मेयर बालेन्द्र शाहले नवनिर्वाचित वडाअध्यक्ष श्रेष्ठलाई उपमेयर लगायतका पदाधिकारीको उपस्थितिमा पद तथा गोपनीयताको शपथ गराए । त्यसअघि मेयर शाहले वडा १६ की अध्यक्ष श्रेष्ठसँग अध्ययन र राजनीतिक पृष्ठभूमिबारे जिज्ञासा राखेका थिए ।

मेयर शाहले वडाअध्यक्ष श्रेष्ठलाई ‘पहिले कानुनको पृष्ठभूमिको हो ?’ भनी प्रश्न गरेका थिए । जवाफमा वडाअध्यक्ष श्रेष्ठले,'आफूले कानुनमा स्नातक गरेको र अहिले चुनावका कारण नियमित अभ्यासमा नभएको' जवाफ दिइन् । यस्तै, ‘वडाअध्यक्ष उठ्ने प्लान पहिल्यै थियो ?’ भनेर पनि शाहले श्रेष्ठलाई सोधेका थिए । जवाफमा श्रेष्ठले ‘पहिले थिएन तर पार्टीले जिम्मेवारी दिएको’ बताइन् ।

श्रेष्ठलाई बालेनले तेस्रो प्रश्न सोधे, ‘पार्टीमा पहिल्यै देखि हुनुहुन्थ्यो ?’ जवाफमा श्रेष्ठले, ‘२ वर्ष भयो । स्थापनादेखि नै रास्वपामा छु’ भनिन् । बालेनले रोजिनालाई अर्को प्रश्न सोधे, ‘पहिले अर्को कुनै पार्टीमा हुनुहुन्थ्यो ?' रोजिनाले भनिन्, ‘फस्ट टाइम नै यही पार्टीमा हो । पहिले कतै थिइँन । ’

प्रकाशित मिति: मंगलबार, मंसिर १८, २०८१

प्रतिक्रिया दिनुहोस्