सबै कुरा

रवि लामिछाने विरुद्धको ६०० पृष्ठ लामो अनुसन्धान प्रतिवेदन जिल्ला सरकारी वकिल कार्यालय कास्कीमा

सिधाकुरा

सोमबार, पुस १, २०८१

रवि लामिछाने विरुद्धको ६०० पृष्ठ लामो अनुसन्धान प्रतिवेदन जिल्ला सरकारी वकिल कार्यालय कास्कीमा

कास्की । कास्की प्रहरीले राष्ट्रिय स्वतन्त्र पार्टी (रास्वपा) का सभापति रवि लामिछानेसहित ५ जना विरुद्धको अनुसन्धान प्रतिवेदन सरकारी वकिललाई बुझाएको छ ।

Watch On

सोमबार अनुसन्धान सकेर अनुसन्धान प्रतिवेदन बुझाइएको जिल्ला प्रहरी कार्यालय कास्कीका सूचना अधिकारी एवम् डिएसपी वसन्त शर्माले जानकारी दिए । शर्माका अनुसार रवि लामिछाने, छविलाल जोशी सहितका ५ जना विरुद्ध तीन वटा कसुरमा कारबाही गर्न सिफारिस गरिएको छ ।

‘प्रहरीले आज आफ्नो अनुसन्धान प्रतिवेदन जिल्ला सरकारी वकिल कार्यालयमा बुझाइएको छ,’ डीएसपी शर्माले सिधाकुरासँग भने,‘ सहकारी ठगी, सङ्गठित अपराध र सम्पत्ति शुद्धिकरणमा मुद्दा चलाउन सिफारिस गरेका छौँ ।’ डिएसपी शर्माकाअनुसार ६०० बढी पृष्ठको अनुसन्धान प्रतिवेदनमा उक्त कसुरको आधार प्रमाणका रुपमा प्रहरीले बरामद गरेको विवरण पनि समावेश छ ।

सरकारी वकिल कार्यालयमा बुझाइएको अनुसन्धान प्रतिवेदन पोखराको सुर्य दर्शन सहकारीको ठगीसँग सम्बन्धित रहेको कास्की प्रहरीको दाबी छ । अब प्रहरी प्रतिवेदनका आधारमा जिल्ला सरकारी वकिल कार्यालय कास्कीले मुद्दा प्रक्रिया अघि बढाउँछ । सरकारी वकिल कार्यालयले निर्णय गरेर जिल्ला अदालतमा मुद्दा बुझाएपछि लामिछानेसहितका प्रतिवादीहरूको थुनछेक बहस हुनेछ ।

प्रकाशित मिति: सोमबार, पुस १, २०८१

प्रतिक्रिया दिनुहोस्