काठमाडाैँ । राष्ट्रिय स्वतन्त्र पार्टीका सभापति रवि लामिछानेकी श्रीमती एवम् उद्यमी निकिता पौडेल लामिछानेले आफूमाथि मिडिया ट्रायल गरेको बताएकी छिन् । सामाजिक सञ्जाल फेसबुकमा एक स्टाटस राख्दै लामिछानेले आफूमाथि श्रीमान हिरासतमा रहेका बेला मिडियाहरुले पुरुषार्थ देखाएको बताएकी हुन् । 

विभिन्न सञ्चार माध्यमले आफूले सहकारीको यति पैसा खाएको भन्दै अनुमानका भरमा समाचार लेखेको बताउँदै पाैडेलले मिडियाले आफूमागि पुरुषार्थ देखाएको बताएकी हुन् । ‘खाता मेरो हो। यति–उति पैसा छ भनेर आआफैँ अनुमान लगाउनुभन्दा सोधेको भए बताइदिन्थे नि !’, लामिछानेले लेखेकी छिन्, ‘श्रीमान् हिरासतमा भएको बेला ममाथि केही मिडियाले देखाएको ‘पुरुषार्थ’ अगाडि समाज मुकदर्शक बनेकोमा झनै आश्चर्यमा छु।’

त्यस्तै उनले आफूलाई कुनै मिडियाले १५ करोड, कुनैले २५ र कसैले ५० करोड खाएको बताउने गरेको तर आफू ४ करोडमा किनेको घरको किस्ता अझै तिरिरहेको बताएकी छिन् । उनले लेखेकी छिन्, ‘‘आज बिहानै बुवाले फोनमा हाँस्दै सोध्नु भयो, ‘तिमीसँग त त्यत्रो पैसा रहेछ, कुनै मिडियाले १५ करोड, कुनैले २५ त, कसैले ५० करोड। तिमीसँग छ चाहिँ कति ? अलिकति मलाई पनि देऊ न।’ मैले पनि हाँस्दै भने, ‘त्यत्रो पैसा भएरै त होला ४ करोडमा किनेको घरको किस्ता आजसम्म तिर्दै छु।’’

उद्यमी लामिछानेले आफूले आफ्नो सम्पूर्ण बैंकिङ कारोबार प्रहरीलाई बुझाइसकेको तर मिडियाले धर्म छोडेर संवेदनहीन भएको देख्दा दया लागेर आएको बताएकी छिन् । 

यस्तो छ लामिछानेले लेखेको फेसबुक स्टाटस :