अमेरिकाले खतरनाक २ सय बढी कैदीलाई साल्भाडोरको कठोर जेलमा पुर्यायो (भिडियो)

सिधाकुरा

सोमबार, चैत ४, २०८१

अमेरिकाले खतरनाक २ सय बढी कैदीलाई साल्भाडोरको कठोर जेलमा पुर्यायो (भिडियो)

काठमाडौँ । अमेरिकाले निकै ‘खतरनाक’ ग्याङ मानिने अपराधिक समुहका २३८ जना कैदीबन्दीलाई एल साल्भाडोरको निकै कठोर जेलमा पठाएको छ। अमेरिकाले ‘अपराधी आप्रवासी’ भन्दै आएका भेनेजुलाका लगभग २३८ जनालाई मध्य अमेरिकी उक्त देशको जेलमा लगेको हो । २०२३ मा बनोको साल्भाडोरको यो जेल निकै कडा र खतरानाक मानिन्छ ।

Watch On

४० हजार कैदी रहेको यो जेलमा कुख्यात र खतरनाक अपराधीहरूलाई राखिन्छ। अमेरिकाबाट सल्भडोरको जेल सार्दै गर्दाको भिडियो राष्ट्रपति डोनाल्ड ट्रम्पले सामाजिक संजालमा राखेका छन् ।

अमेरिकाका अनुसार उनीहरु अन्तर्राष्ट्रिय आपराधिक समूह एमएस १३ का सदस्यहरू हुन् जो निकै खरतानक छन्। उनीहरुलाई अमेरिकाले अपराधी घोषणा गरको छ। अहिले ट्रम्पले बिना सुनुवाई देश निकाला गर्ने कानुन लागु गरेका छन्।

यो कानुनअनुसार अमेरिकाले अपराधी घोषित गरेका आप्रवासीहरूले कुनै पनि न्यायिक निकायमा अपिल गर्न पाउने छैनन्। हालैमात्र ट्रम्पले साल्भाडोरसँग अपराधि राख्ने जेलका लागि सम्झौता गरेका थिए। यो विश्वकै एक अनौठो सम्झौता हो जसले एक अर्को देशमा कैदीहरू राख्ने बाटो खुलाइ दिएको छ। त्यो एक प्रकारले अमेरिकाले जेल भाडामा लिएजस्तै हो।

यो जेलमा आफूले कैदी राखेवापत अमेरिकाले साल्भाडोरलाई लाखौं डलर तिर्ने छ ।

प्रकाशित मिति: सोमबार, चैत ४, २०८१

प्रतिक्रिया दिनुहोस्