भूकम्पपीडितकाे राहातमा बेइमानीः फोटो भूकम्पपीडितको, राहात आसेपासेलाई मात्रै

बझाङ । दशैंको चहलपहलले बझाङको जयपृथ्वी नगरपालिका १० को दलित बस्तीलाई छोएन । दशैंमा रमाउन त परको कुरा दलित बस्तीका १५ परिवारले मिठो मसिनो खाएर निदाउन पनि पाएनन् । असोज १६ गते आएको भुकम्पपश्चात् उनीहरुको घरभित्र बास समेत भएको छैन् । 

Watch On

जयपृथ्वी नगरपालिका १० स्थित दलित बस्तीका १५ परिवारको अहिलेपनि खुल्ला आकासमुनी त्रिपालमा छन् । 

राहत दिने निकाय थुप्रै आएपनि आफुहरुले राहतको अनुहारसमेत देख्न नपाएको दुरु कामीको गुनासो रहेको छ । ‘राहत दिन र दशैंको मुखका सानत्वना दिनभनदै जयपवृथ्वी नगरपालिका मेयर चेतराज बरालको टोली बस्तीमा नै आएपनि त्रिपालमुनी बस्दै आएका हामीहरुमाथी उहाँको नजर पुगेन् । 

राजनितिक पहुँचका आधारमा उहाँले पनि आसेपासेलाई नै राहत स्वरुप १० हजार रुपैयाँ वितरण गरेर जानुभयो । गरिव र आवाज नभएकाहरुलाई स्थानीय सरकारले समेत हेरेन भने प्रधानमन्त्रीको राहत हाम्रो पालमुनी पुग्छभन्ने आसा नै छैन,’ दुरुले दुःखेसो पोखिन् । 

अहिले टोलभरीको स्थानीयहरु पाल टाँगेर बसिरेको स्थानीय जानकी केसीले भनिन् ‘घरवारविहीन भएकाहरुलाई राहत दिनुको साँटो आफ्ना कार्यकर्ताहरुलाई मात्रै राहत दिनु पीडितमाथीको अन्याय भएको छ । हामी १५ जना एउटै त्रिपालमा छौ । बस्नलाई घर छैन्, चिसो मौषममा ज्वरो र रुगाखोकीले बृद्धबृद्धालाई समस्या भइरहेको छ । तर सरकारको नजर पुगेन । प्रधानमन्त्री आएर तत्काल राहात उपलब्ध गराउँछु भनेर जानुभएको छ । तर आज कात्र्तिकको ७ गते भइसक्यो, खैत राहत ?’

स्थानीय सरकारदेखी प्रदेश र संघसरकारका प्रतिनिधीहरु आएर आश्वासन दिने बाहेक अरु केही नपाएको जयबहादुर विकले बताए । आएका सरकारका प्रतिनिधीहरुले हाम्रोघरको फोटो खिचेर राहत कार्यकर्तालाई दिएको उनको भनाई छ । उनीभन्छन्, ‘फोटो चाँही हाम्रो घरको खिच्ने अनी राहत चाँही अरुलाई दिने ?’

पूर्णरुपमा घर क्षेती भएको घरमा छ परिवार वस्दै आएको भएपनि अहिले आफुहरु घरवार विहीन भएको दुरुले बताइन् । दुई नाति नातिनीहरुसँग बस्दै आएकी उनी अहिले छिमेकीको पालको साहारामा बस्दै आएकी छन् । दशै तिहार मुखैमा आएको भएपनि दशैं खल्लो भएको उनीहरुको भनाई छ ।