समाज

नशालु पदार्थ सेवन गराई किशोरीलाई बलात्कार गर्ने आराेपित पक्राउ

जियालाल साह

बुधबार, चैत १३, २०८१

नशालु पदार्थ सेवन गराई किशोरीलाई बलात्कार गर्ने आराेपित पक्राउ

पर्सा । पर्सामा किशोरीमाथि पटकपटक नशालु पदार्थ खुवाई बलात्कार गरि गर्भ बोकाएको आरोपमा एक ५२ वर्षीय पुरुष पक्राउ परेका छन् । वीरगंज महानगरपालिका वडा नम्बर-३१ इस्लामपुर घर भई वडा नम्बर १३ मुर्लीमा बस्दै आएका छोरा शेख महमद अनवरलाई पर्सा प्रहरीले नियन्त्रणमा लिएको हो ।

Watch On

पीडित किशोरीले दिएको उजुरीका आधारमा उनलाई पक्राउ गरिएको पर्साका प्रहरी उपरीक्षक (एसपी) गौतम मिश्रले जानकारी दिए । उजुरीअनुसार आरोपीले किशोरीलाई विभिन्न नशालु पदार्थ मिसाइएको पानी खुवाएर मानसिक रुपमा कमजोर बनाएर पटक–पटक बलात्कार गरेका थिए ।

पीडित किशोरीको मेडिकल परीक्षणबाट १० हप्ताको गर्भ रहेको पुष्टि भएको छ । किशोरीले लामो समयदेखि नशालु पदार्थ खुवाई जबरजस्ती करणी गरेको प्रहरी समक्ष बयान दिएकि छन् । घटना बाहिरिएपछि प्रहरीले तत्काल अनुसन्धान सुरु गरी अनवरलाइ पक्राउ गरेरेको हो ।

प्रहरीले पीडित किशोरीलाई तत्काल संरक्षणमा राख्दै उनको स्वास्थ्य परीक्षणपछि आवश्यक कानूनी तथा मानसिक परामर्श प्रदान गरिरहेको जनाएको छ ।

पर्सा प्रहरीले आरोपीविरुद्ध जबरजस्ती करणीको मुद्दामा पर्सा जिल्ला अदालतबाट म्याद थप गरी अनुसन्धान थालिएको जनाइएको छ ।

प्रकाशित मिति: बुधबार, चैत १३, २०८१

प्रतिक्रिया दिनुहोस्