केआईआईटीमा भएको नेपाली विद्यार्थीको मृत्युबारे के भन्छ भारतको विदेश मन्त्रालय ?

काठमाडौँ । भारतको ओडिसा राज्यस्थित कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी) अध्ययनरत नेपाली विद्यार्थी प्रिसा शाहको मृत्यु सम्बन्धमा भारतीय विदेश मन्त्रालयले विज्ञप्ती जारी गरेको छ । मन्त्रालयले शाहप्रति श्रद्धाञ्जली र परिवारप्रति समवेदना गरिएको छ । 

Watch On

‘केआईआईटी विश्वविद्यालय, भुवनेश्वरका नेपाली विद्यार्थीको दुःखद निधनप्रति गहिरो दुःख व्यक्त गर्दछौं। यस कठिन समयमा हामी शोकसन्तप्त परिवारप्रति गहिरो समवेदना प्रकट गर्दछौं।’ विज्ञप्तीमा भनिएको छ । 

भारतको विदेश मन्त्रालयले यो दुःखद घटनाको जानकारी पाएदेखि नै ओडिशा राज्य सरकारसँग निरन्तर सम्पर्कमा रहेको जनाएको छ । ओडिशा राज्य सरकारले दिवंगत विद्यार्थीको परिवारलाई पूर्ण सहयोग प्रदान गरेको र हाल ओडिशा प्रहरीले घटनाको विस्तृत अनुसन्धान गरिरहेको समेत मन्त्रालयले जनाएको छ । 

त्यस्तै भारत सरकारले सबै अन्तर्राष्ट्रिय विद्यार्थीहरूको सुरक्षालाई अत्यन्त गम्भीरतापूर्वक लिने बताइएको छ । यस मामिलामा नेपाली निकायहरू, ओडिशा राज्य सरकार तथा कीआईआईटी व्यवस्थापनसँग निरन्तर सम्पर्कमा रही समन्वय गरिरहेको विज्ञप्तीमा उल्लेख छ । 

भारतको ओडिसा राज्यस्थित भुवनेश्वरमा रहेको कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयको होस्टेलमा अर्की एक नेपाली छात्रा मृत अवस्थामा फेला परेकी थिइन् । 

केआईआईटी विश्वविद्यालयमा बीटेक प्रथम वर्षमा अध्ययनरत वीरगन्जकी प्रिशा साह होस्टेलको ‘क्वी सी ४’ स्थित आफ्नै कोठामा झुन्डिएको अवस्थामा फेला परेको उनका साथीहरूले बताएका छन् । 

बिहीबार साँझ करिब आठ बजे उनको ढोका नखुलेपछि साथीहरूले ढोका फोडेका थिए । सार्वजनिक भएका भिडियोमा उनी पङ्खामा झुन्डिएको अवस्थामा देखिन्छ । होस्टल प्रशासनका अनुसार नियमित हाजिरका क्रममा प्रिशा अनुपस्थित भएपछि उनको अवस्थाबारे खोजी भएको थियो । 

होस्टलमा रहेको अर्का एक नेपाली विद्यार्थीका अनुसार उनीहरुले देख्ने बेलामा उनको शरिर निलो देखिन थालेको थियो । प्रिशा एक वर्ष अघि मात्रै अध्ययनका लागि केआईआईटी पुगेकी थिइन् ।