समाज

गृहमन्त्रीबारे रास्वपाः ‘भिजिट भिसा काण्ड प्रमाणित भयो भने त राजनीति छोड्ने हैन जेल जाने हो’

सिधाकुरा

आइतबार, जेठ ११, २०८२

गृहमन्त्रीबारे रास्वपाः ‘भिजिट भिसा काण्ड प्रमाणित भयो भने त राजनीति छोड्ने हैन जेल जाने हो’

काठमाडौँ । राष्ट्रिय स्वतन्त्र पार्टीले अहिलेको गठबन्धन आफ्नाहरुलाई जोगाउन र फाइल बन्द गर्न बनेको भन्ने आफूहरुको आशंका सत्य सावित भएको बताएको छ । आइतबार पार्टी कार्यालय वनस्थलीमा बसेको केन्द्रीय समिति बैठकका क्रममा बैठकका एजेन्डाबारे जानकारी दिदै कार्यवाहक प्रवक्ता मनिष झाले आफूहरुले शंका सही सावित भएको बताएका हुन् । जसको उदाहरण भिजिट भिसा काण्ड भएको झाको भनाई छ ।

Watch On

त्यस्तै उनले गृहमन्त्रीको भनाईबारे टिप्पणी गर्दै भिजिट भिसा प्रकरण प्रमाणित भए राजनीति छोड्ने विकल्प नरहेको बताए । उनले राजनीति छोड्ने होइन जेल जानुपर्ने बताए । ‘भिजिट भिसामा गृहमन्त्रीज्यूले शालिन तवरले एउटा कुरा के बोल्नुभयो भने, यो प्रमाणित भयो भने राजनीति छोड्दिन्छु । प्रमाणित भयो भने त राजनीति छोड्ने हैन जेल जाने हो । राजनीति छोड्नै पर्दैन । त्यो विकल्प नै होइन ।’

त्यस्तै उनले अरुलाई चाहीँ जेल जान प्रमाणित हुनु नपर्ने, पुरानो दललाई चाहीँ प्रमाणित नै हुनुपर्ने ? भन्दै प्रश्न गरे । उनले भने, ‘तपाईँहरुको चाहीँ प्रमाणित हुनुपर्ने जेल जानलाई, अरुलाई चाहीँ प्रमाणित नगरेरै अभियोजन दर्ता भएकै आधारमा थुन्न थाल्नुभएको छ, थुनिरहनुभको छ । पुरानो दललाई चाहीँ प्रमाणित हुनुपर्ने, नयाँ दललाई चाहीँ दर्ता हुँदैमा थुन्दिने हो कि ?’

प्रकाशित मिति: आइतबार, जेठ ११, २०८२

प्रतिक्रिया दिनुहोस्