ईजरायलमाथि ईरानीको जवाफी हमला ‘साँचो वाचा ३’ अभियान जारी, मिसाइल आक्रमणबाट राजधानी तेलअविव लगायतका सहरमा भयानक प्रभाव

काठमाडौँ । तेहरानबाट सुरु भएको ईरानको जवाफी आक्रमणका कारण इजरायली कब्जामा रहेका क्षेत्रमा ठूलो क्षति पुगेको इजरायली मिडियाले जनाएका छन्। मिसाइलले बोक्ने विस्फोटक पदार्थको प्रभावलाई ‘डर लाग्दो’ भन्दै उनीहरूले तेलअविव लगायतका सहरहरूमा क्षतिको दृश्यसमेत सार्वजनिक गरेका छन्।

Watch On

ईरानले शुक्रबार मध्यरातमा पहिलो चरणको आक्रमण सुरु गरेको थियो भने शनिबार बिहान दोस्रो चरणको मिसाइल आक्रमण भएको हो। ईरानको इस्लामिक रिभोल्युसन गार्ड कर्प्स (IRGC) ले यस आक्रमणलाई ‘साँचो वाचा ३’ नाम दिँदै आवश्यक परेको जति लामो समयसम्म जारी रहने चेतावनी दिएको छ। IRGC को वक्तव्य अनुसार पहिलो चरणमा कम्तिमा १५० सैन्य र जासुसी केन्द्रहरू र हतियार उत्पादक कम्पनीहरूमा प्रहार गरियो।

दोस्रो चरणमा इजरायलका प्रमुख सहरहरू तेलअविव, आशदोद, हाइफा र बेुर शेभाका (रणनीतिक केन्द्रहरू) मा आक्रमण गरिएको हिब्रु मिडियाले जनाएका छन्।

यस आक्रमणको पहिलो चरण सुरु हुँदै गर्दा, इरानी सर्वोच्च नेता आयातुल्ला सेय्यद अली खामेनेईले भिडियो सन्देशमार्फत् देशवासीलाई सम्बोधन गर्दै इजरायली शासनलाई निराश र लाचार बनाइने प्रतिज्ञा गरेका थिए।

CNN का अनुसार, एक वरिष्ठ इरानी अधिकारीले भनाइ दिंदै इरानले आक्रमणलाई अझ तीव्र बनाउने र इजरायलको समर्थनमा उभिने कुनै पनि देशका क्षेत्रीय सैन्य अड्डाहरूलाई पनि लक्षित गर्ने चेतावनी दिएको छ।

इरानी आक्रमणबाट कम्तिमा एक जना इजरायलीको मृत्यु भएको र ७० भन्दा बढी घाइते भएको इजरायली अधिकारीहरूले जनाएका छन्।