समाज

जनताको बहुदलीय जनवाद (जबज) नेपालको मौलिक बिचार होः विद्यादेवी भण्डारी

सिधाकुरा

शनिबार, असार २८, २०८२

जनताको बहुदलीय जनवाद (जबज) नेपालको मौलिक बिचार होः विद्यादेवी भण्डारी

पूर्वराष्ट्रपति विद्या भण्डारीले जनताको बहुदलीय जनवाद (जबज) नेपालको मौलिक बिचार भएकाले यसको गहन अध्ययन र अनुसन्धान हुन जरुरी रहेको बताएकी छिन् ।

Watch On

मदन भण्डारी फाउन्डेसनले शनिबार काठमाडौंमा आयोजना गरेको कार्यक्रममा पूर्वराष्ट्रपति भण्डारीले जबजको बिचार नेपालका साथै अन्तराष्ट्रियस्तरमा समेत तुलनात्मक रुपमा अध्ययन हुनुपर्ने बताएकी हुन् ।

उनले समाज रुपान्तरणका लागि बिचार नै सवैभन्दा महत्वपूर्ण विचार भएको उल्लेख गरिन् । भण्डारीका अनुसार जबजले माक्र्सवाद, लेनिनवादको आधारमा नेपाली समाजको गहिरो विश्लेषण गर्दै नेपालको ऐतिहासिक सामाजिक, सांस्कृतिक तथा भूराजनीतिक विशेषतालाई आत्मसात गरी समाजवादको मार्गमा लोकतान्त्रिक पद्धति र बहुदलीय प्रतिस्पर्धाको विशिष्ट र सिर्जनात्मक बाटो निर्माण गरेको छ ।

भण्डारीले जबजको देशको बिशिष्ट परिस्थीतिमा माक्र्सवादको सिर्जनात्मक प्रयोग र अभ्यास भएको र यसले हिंसाबाट नभइ लोकतान्त्रिक विधिबाट राज्य सञ्चालन गर्ने उत्कृष्ट राजनीतिक संस्कारलाई अंगिकार गरेको बताइन् ।

उनले नेकपा एमालेले पनि सुखी नेपाली र समृद्ध नेपालको साझा राष्ट्रिय आकांक्षा पुरा गर्न जबजको सिद्धान्त अनुसार अविचलित रुपमा लागिपरेको बताइन् ।

प्रकाशित मिति: शनिबार, असार २८, २०८२

प्रतिक्रिया दिनुहोस्