समाज

जनतालाई फेसबुक चलाउन रोकेर फेसबुकमै प्रधानमन्त्रीका तस्बिर पोस्ट गर्दै प्रधानमन्त्रीको सचिवालय

सिधाकुरा

शुक्रबार, भदौ २०, २०८२

जनतालाई फेसबुक चलाउन रोकेर फेसबुकमै प्रधानमन्त्रीका तस्बिर पोस्ट गर्दै प्रधानमन्त्रीको सचिवालय

काठमाडौँ । सामाजिक सञ्जाल बन्द गर्ने सरकारी निर्णय प्रधानमन्त्री केपी शर्मा ओलीकै सचिवालयले अवज्ञा गरेको छ । सर्वसाधारण माझ अत्यधिक लोकप्रिय सञ्जालहरू नेपालमा सूचीकरण हुन नआएको भन्दै बन्द गर्न निर्देशन दिएको थियो ।

Watch On

सरकारको निर्देशन अनुसार इन्टरनेट सेवा प्रदायकहरूले फेसबुक, ह्वाट्सएप, एक्स लगायतका सञ्जाल नेपालमा चल्न नसक्ने बनाइरहेका छन् । तर प्रधानमन्त्रीको सचिवालयले भने प्रधानमन्त्री सहभागी कार्यक्रमका तस्बिर सामाजिक सञ्जालमा पोस्ट गरिरहेको छ । साथै ह्वाट्सएपमार्फत सञ्चार माध्यममा प्रधानमन्त्रीका कार्यक्रमबारे सूचना पठाइरहेका छन् ।

आजैबाट सुरु भएको सत्तारुढ दल नेकपा एमालेको विधान महाधिवेशनको अपडेट प्रधानमन्त्रीको सचिवालयले फेसबुक र ह्वाट्सएपबाटै गराएको छ ।

प्रधानमन्त्रीको अफिसियल फेसबुक पेज ‘पीए केपी शर्मा ओली सेक्रटेरियट’, ‘बालकोट’ मा पोस्ट भैरहेका छन् । बिहान मात्रै सोही कार्यक्रममा सहभागी हुन पुगेका सञ्चार मन्त्री पृथ्वी सुब्बा गुरुले तस्बिर अब भाइवरमा हाल्ने भन्दै अभिव्यक्ति दिएका थिए । तर प्रधानमन्त्री सचिवालयले फेसबुकमै पोस्ट गरिरहेको छ ।

प्रकाशित मिति: शुक्रबार, भदौ २०, २०८२

प्रतिक्रिया दिनुहोस्