बालुवाटारमा सुदन समुहको आक्रोशः 'हाम्रो आन्दोलन हाइज्याक भयो, प्रधानमन्त्रीलाई थुतेर निकाल्छौँ'

काठमाडौँ । आइतबार राति प्रधानमन्त्री सुशीला कार्कीले मन्त्रीपरिषद् विस्तार गरेसँगै जेन्जी आन्दोलन गर्नेहरुले आपत्ती जनाएका छन् । 
प्रधानमन्त्री कार्कीले काठमाडौँ महानगर मेयर बालेन शाहका कानुनी सल्लाहाकार अधिवक्ता ओमप्रकाश अर्याल, पूर्व अर्थसचिव रामेश्वर खनाल र विद्युत प्राधिकरणका पूर्व कार्यकारी निदेर्शक कुलमान घिसिङलाई मन्त्री नियुक्त गरेकी थिइन् । 
भित्र मन्त्रिपरिषद् विस्तार चलिरहँदा बालुवाटार स्थित प्रधानमन्त्रीको सरकारी निवास बाहिर जेनजी आन्दोलनमा ज्यान गुमाएकाहरुले दिउँसोदेखि नै धर्ना दिएका थिए । 
उनीहरुसँग धर्नास्थलमा पुगेका हामी नेपालका संयोजक सुदन गुरुङसहित जेनजी आन्दोलनका अगुवाहरुले मृतकका आफन्तको माग सरकारले पुरा गर्न नसकेको भन्दै आक्रोश पोखेका थिए । 
त्यसक्रममा मृतकका आफन्तहरुले सरकार विरुद्ध नाराबाजी गरेका थिए । 

Watch On

नाराबाजीको क्रममा उनीहरुले प्रधानमन्त्री सुशीला कार्कीको राजीनामा समेत मागे । जेनजी आन्दोलनको क्रममा मृत्यु भएकाका परिवारका सदस्य समेतले सुदन गुरुङको उपस्थितिमा ‘प्रधानमन्त्री राजीनामा दे’, ‘मुर्दामाथि राजनीति नगर’ लगायतका नारा लगाएका थिए ।

उनीहरुकै नाराबाजी बिच  सुदन गुरुङले प्रधानमन्त्रीलाई थुतेर निकालिदिन्छु भनेका थिए । उनले भनेका थिए, ‘"सबसे पावरफुल नेपाली जनता हो । कसैले हामीलाई रोक्न सक्दैन । जुन ठाउँमा लगेर हामीले राखेका छौं, त्यो ठाउँबाट थुतेर निकालिदिन्छु ।’

सुदनको समूह आफूहरुसँग सल्लाह नगरी मन्त्री नियुक्त गरिएको भन्दै असन्तुष्ट पोखेका थिए । उनले मन्त्री नियुक्त भएका बालेनका कानुनी सल्लाहाकार ओमप्रकाश अर्यालको नाम लिएर आक्रोश पोख्दै भनेका ‘">यो ओमप्रकाश लयर आफैंले गृहमन्त्री बनाउँदो रहेछ त्यहाँ भित्र बसेर,’ ।
साथै उनीहरुले जेनजी आन्दोलन ">हाइज्याक भएको भन्दै आक्रोश पोखका छन् । सुदन  नेतृत्वको ‘हामी नेपाल’ समूहका युवाहरुकै प्रस्तावमा सुशीला कार्की गत शुक्रबार प्रधानमन्त्री नियुक्त भएकी थिइन् ।