काठमाडौँ । लोडसेडिङको अवधिमा ट्रंकलाइनमार्फत प्रयोग गरिएको बिजुलीबापतको अतिरिक्त महशुल नतिरेका विषयमा सूर्य नेपाल प्रालिको नाम जोडेर सामाजिक सञ्जालमा आएको सामाग्रीप्रति आपत्ति सूर्य नेपालले आपत्ति जनाएको छ।

सूर्य नेपालले नेपाल विद्युत प्राधिकरणको निर्देशनअनुसार सम्बन्धित सम्पूर्ण बक्यौता पहिले नै भुक्तानी गरिसकेको जनाएको छ । आज एक विजप्ति जारी गर्दै सूर्य नेपालले बक्यौता भन्दा अझ बढी रकम भुक्तानी भएको दाबी गरेको छ । 

विज्ञप्तिमा भनिएको छ, “नेपाल सरकार मन्त्रिपरिषद्को २०८१ साल वैशाख २७ गतेको निर्णयअनुसार अतिरिक्त महशुल पौष २०७२ देखि वैशाख २०७५ सम्म मात्र लागु हुने व्यवस्था छ। सो अवधिका लागि सूर्य नेपालले प्राधिकरणलाई तिर्नु पर्नेभन्दा बढी नै रकम भुक्तानी गरिसकेको छ।”

साथै, कम्पनीले आफू प्रचलित सबै कानुन, नियम र सरकार तथा सम्बन्धित निकायका निर्देशनहरूको पालना गर्ने प्रतिबद्धता दोहोर्‍याएको छ। भ्रामक जानकारीले कम्पनीको प्रतिष्ठामा आघात पुर्‍याउने भन्दै सूर्य नेपालले आमसञ्चारमाध्यम र सामाजिक सञ्जाल प्रयोगकर्तालाई यस्ता भ्रम फैलाउने गतिविधि नगर्न आग्रह समेत गरेको छ।

साथै ग्राहकको प्रतिष्ठामा आँच आउने गरि भ्रामक सुचना प्रसारित भइरहेकोले प्राधिकरणको निर्देशन अनुरुप विद्युत् बक्यौता भुक्तानी गरेको तथ्य सार्वजनिक गर्न पनि सूर्य नेपालले नेपाल विद्युत् प्राधिकरणलाई आग्रह गरेको छ ।