वडाध्यक्षमाथि युवकको टाउको फोरेको आरोप, घाइतेको टाउकोमा ८ टाँका
वडाध्यक्ष भने, ‘अहिले आरोप म माथि लगाएका छन् । मैले उनलाई माछा समेत पकाएर दिएको थिएँ । उनीहरुले मायाले मलाई हल्का मदिरा खान दिएका थिए ।’
कैलाली । कैलालीको घोडाघोडी नगरपालिका–८ का वडाअध्यक्ष वीरबहादुर साउँदमाथि एक युवकलाई निर्घात कुटपिट गरेको आरोप लागेको छ ।
स्थानीय २४ वर्षीय सुनिल खड्कालाई उनले प्रश्न गरेकै भरमा निर्घात कुटपिट गरेको आरोप छ । अध्यक्षको कुटाइबाट घाइते भएका खड्काको स्थानीय अस्पतालमा उपचार भैइरहेको इलाका प्रहरी कार्यालय सुखडले जनाएको छ ।
घाइते सुनिल खड्काले आफूले वडा अध्यक्ष साउदलाई प्रश्न गरेकै कारण आफूमाथि प्रहार भएको बताए । ‘वडा अध्यक्षलाई मैले तपाई तिन वर्ष भन्दा बढी भो वडा अध्यक्ष भएको के चाँही राम्रो काम गर्नु भो, अब बाँकी रहेको समयमा के चाँही गर्नु होला भन्ने आशा गर्ने भनेको थिए ।’ उनले भने, ‘तर, उहाँले तँ बढ्ता बोल्छस् भनेर टाउँकोमा ढुङगाले हान्नु भो । त्यस अघि मैले हरेक वर्षायममा पानीले आफू लगायतका स्थानीयको खेतीयोग्य जमिन कटान गर्ने गरेको समस्याका विषयमा पनि कुरा गरेको थिए। प्रश्न गरेकै भरमा एक जिम्मेवार अभिभावकबाट मैले यसरी कुटाइ खानु पर्यो ।’
यता वडा अध्यक्ष साउँदले भने, घटनामा आफ्नो कुनै संलग्नता नरहेको बताएका छन् । ‘उनीहरु समुहमा लडाँई गरिरहेका थिए। म छुट्याउन मात्र गएको थिएँ ।’ वडाध्यक्ष साउदले भने, ‘अहिले आरोप म माथि लगाएका छन् । मैले उनलाई माछा समेत पकाएर दिएको थिएँ । उनीहरुले मायाले मलाई हल्का मदिरा खान दिएका थिए ।’
त्यस्तै, घटनाका एक जना प्रत्यक्षदर्शीका अनुसार वडा अध्यक्षको समुह र कुटपिटबाट घाइते भएका खड्का समुहको विवाद हुनुअघि मदिरापाटी चलेको थियो । वडा अध्यक्षका समुहपट्टीबाट एक जना नसाको तालमा खड्काको समुहमा आएर विवाद गर्न थालेपछि घटना भएको उनले बताएका छन् । ‘ती व्यक्तिले सुनिल खड्काको समुहमा आएर तिमीहरु जेनजी होइन भनेर हप्काउन थाले । त्यही बेला घाइते भएका खड्काले झगडा गर्न आएको होर भनेर घाँटी समातेर धकेलेका थिए । सो समयमा वडा अध्यक्षले खड्कालाई ढुङगाले हानेका हुन्। त्यसपछि ग्याँङ फाइट नै भयो ।’ उनले भने ।
प्रत्यक्षदर्शीका अनुसार दुई समूहको झगडापछि केही बेर जंगलमा भागदौड नै मच्चिएको थियो ।
त्यस्तै, घटनामा घाइते २४ वर्षका सुनिल खड्काले आफुलाई वडा अध्यक्षले कुटपिट गरेको भन्दै इलाका प्रहरी कार्यालय सुखडमा सोमबार नै उजुरी दर्ता गराएका छन् । घाइते खड्काको टाउकोमा आठ वटा टाँका लागेको प्रहरीको भनाई छ । उनीहरु वनभोज खान बडखोली क्षेत्रमा गएर फर्किने क्रममा घटना भएको र घटनाका बारेमा थप अनुसन्धान भैइरहेको प्रहरीले जनाएको छ ।
मोटरसाइकल दुर्घटना हुँदा एकको मृत्यु, दुई जना गम्भीर घाइते
गए राति १०ः०० बजेको समयमा डण्डाबाट कावासोतीतर्फ जाँदै गरेको ना४३प ३४३६ नंको मोटरसाइकललाई नम्बर नखुलेको सवारीसाधनले ठक्कर दिँदा तीन जना गम्भीर घाइते भएकोमा एक जनाको उपचारको क्रममा मृत्यु... शनिबार, मंसिर ६, २०८२
कोशी र गण्डकी प्रदेशमा हल्का वर्षारहिमपातको सम्भावना
कोशी प्रदेश र गण्डकी प्रदेशका हिमाली भू–भागका एक–दुई स्थानमा हल्का वर्षा र हिमपातको सम्भावना रहेको जल तथा मौसम विज्ञान विभागले जनाएको छ । शनिबार, मंसिर ६, २०८२
कास्कीमा जेनजी प्रदर्शनका क्रममा आपराधिक गतिविधि गरेको आरोपमा ५३ जनामाथि मुद्दा
तीमध्ये १४ जना धरौटीमा छुटेको र ३९ जनामाथि अनुसन्धान भइरहेको उनले बताए । वडा प्रहरी कार्यालय बैदामबाट तीन जना र अन्यलाई जिल्ला प्रहरी कार्यालयबाट मुद्दा चलाइएको हो ।... शुक्रबार, मंसिर ५, २०८२
एमालेलाई माइतीघरमा रोक लगाउन माग गर्दै जेनजी आन्दोलनका घाइतेहरूको धर्ना
प्रहरीले माइकिङ गरेर माइतीघरमा कुनै भेलाको आयोजना नभएको भन्दै उनीहरूलाई संयमित रहन आग्रह गरिरहेको छ । शुक्रबार, मंसिर ५, २०८२भर्खरै
- जेनजी VS जेनजी सरकार !
- देशलाई कमजोर पार्ने खेल चलिरहेका छन्ः प्रचण्ड
- कांग्रेसमा अव विषेश महाधिवेशन निर्विकल्प होः गगन थापा
- निर्वाचन हुन्छ भन्ने भ्रम हो, कार्की सरकार असंवैधानिक छः केपी ओली
- काठमाडौँमा एमालेको जनप्रदर्शन (तस्बिरहरु)
- मुग्लिन–पोखरा सडक दैनिक चार घण्टा बन्द गरेर विजयपुरमा ‘ग्रीडर लन्चिङ’
- घरको ताला फोरेर सुनका गहना चोरी गर्ने पक्राउ
- मोटरसाइकल दुर्घटना हुँदा एकको मृत्यु, दुई जना गम्भीर घाइते
