समाज

नेकपा माओवादी केन्द्रको केन्द्रीय समितिको सातौँ पूर्ण बैठक सुरु

सिधाकुरा

बिहीबार, असोज ९, २०८२

नेकपा माओवादी केन्द्रको केन्द्रीय समितिको सातौँ पूर्ण बैठक सुरु

काठमाडौँ । नेकपा माओवादी केन्द्रको केन्द्रीय समितिको सातौँ पूर्ण बैठक बिहीबारबाट काठमाडौँमा सुरु भएको छ ।

Watch On

प्रज्ञा भवन कमलादीमा बसेको बैठकमा पार्टी अध्यक्ष पुष्पकमल दाहाल प्रचण्डले राजनितिक एंव संगठनात्मक प्रस्ताव राखेका छन् । प्रचण्डले अहिलेको केन्द्रीय समिति बिघटन गर्दै विशेष महाधिवेशनमा जानका लागि आफ्नो नेतृत्वमा आयोजक कमिटी बनाउने प्रस्ताव राखेका छन् । त्यस्तै उनले तोकिएको समयमा नै निर्वाचन हुनुपर्ने र पार्टीको ध्यान निर्वाचनमा केन्द्रीत गर्नुपर्नेमा जोड दिएको बैठकमा सहभागी माओवादी नेताहरुले जनाएका छन् ।

पार्टी अध्यक्ष प्रचण्डले राखेको राजनितिक एंव संगठनात्मक प्रस्तावमाथि प्रदेश अनुसार प्रतिनिधि विभाजन गरी छलफल हुने र समूहका नेताले बैठकमा रिपोर्टिङ गर्ने माओवादीले जनाएको छ ।

बैठकमा पदाधिकारी र समूहका नेताले मात्रै धारणा राख्ने कार्यसूचीका बारेमा महासचिव देव गुरुङले जानकारी गराएपछि केहि नेताले आपत्ति जनाएका छन् ।

माओवादी नेता रन्जित तामाङ, सुदन किराती लगाएतले हरेक सदस्यले आफ्नो धारणा राख्न पाउनुपर्ने माग राखेका थिए । केन्द्रीय समितिको बैठक शुक्रबार सम्पन्न हुने माओवादीले जनाएको छ ।

प्रकाशित मिति: बिहीबार, असोज ९, २०८२

प्रतिक्रिया दिनुहोस्