कोरोला नाका स्तरोन्नति गरी व्यवस्थित रुपमा सञ्चालन गर्न अध्यक्ष ढकालको आग्रह
काठमाडौँ । नेपाल उद्योग वाणिज्य महासङ्घका अध्यक्ष चन्द्रप्रसाद ढकालले मुस्ताङमा अवस्थित नेपाल, चीन सिमानाका कोरोलाको थप स्तरोन्नति र व्यवस्थित सञ्चालनका लागि नेपाल सरकारसँग आग्रह गरेका छन् ।
Watch On
महासङ्घको गण्डकी प्रदेश समिति एवं यसअन्तर्गतका जिल्ला उद्योग वाणिज्य सङ्घका नेतृत्वहरुसँग आज सो नाकाको निरीक्षणपछि उनले सो आग्रह गरेका हुन् । अध्यक्ष ढकालले भने, “कालीगण्डकी करिडोरको निर्माण पूरा भएपछि यो नाका नेपाल, चीन र भारतलाई जोड्ने सबैभन्दा छोटो मार्ग समेत बन्नेछ । यसलाई त्रिदेशीय व्यापार, पर्यटन र आर्थिक गतिविधिहरु प्रवद्र्धनका लागि प्रयो गर्न सकिने छ । यसतर्फ नेपाल सरकारले ध्यान दिनु जरुरी छ ।”
अध्यक्ष ढकालले उक्त नाकाका लागि आवश्यक पर्ने पूर्वाधार नेपालतर्फ अपर्याप्त रहेकाले आवश्यक पूर्वाधार निर्माण गर्न, भन्सार कार्यालयलाई व्यवस्थित र सहज बनाउन, र जतिसक्दो चाँडै अध्यागमन सेवा सुरु गर्न पनि आग्रह गरे ।
उनले भने, “बाह्र दिनमात्र अघि सुरु गरिएको भन्सार कार्यालयबाट रु १ अर्ब ४० करोड राजस्व सङ्कलन भएको रहेछ । यसबाट पनि यो नाकाको थप व्यवस्थित सञ्चालन गर्न आवश्यक हुन आउँछ । हामीले भन्सार र अध्यागमनका लागि आवश्यक पूर्वाधार र कर्मचारी आदिको व्यवस्था गर्न सक्दा यसबाट नेपाललाई धेरै फाइदा पुग्ने कुरा स्पष्टै छ ।”
चीनको ल्हासाबाट नेपालको रसुवासम्म पुग्न दुई दिन लाग्नेमा कोरोलासम्म एकैदिनमा आउने भएकाले पनि चिनियाँ पर्यटकका लागि नेपाल आउने यो छोटो रुट हुने तथा मानसरोवर पुग्न समेत यो बाटो छोटो हुने भएकाले यस नाकाबाट हुने आवतजावतलाई सहज र व्यवस्थित गर्नुपर्ने उनको भनाइ थियो ।
माथि कोरोला नाका वरिपरि नै सरकारी कार्यालय निर्माण गर्न, बसोबास र अन्य व्यवस्थापनका लागि सहज नभएमा केही तल रहेको निचुङमा सरकारले पूर्वाधार निर्माण गरेर स्थायी रुपमा कार्यसञ्चालन एवं बिजुली, पानी, इन्टरनेट लगायत अन्य आवश्यक व्यवस्थापनमा सहज हुने पनि अध्यक्ष ढकालको सुझाव थियो ।
गतबर्ष मात्र मुस्ताङमा करिब सात लाख आन्तरिक तथा बाह्य पर्यटक भित्रिएको तथ्याङ्क रहेको उल्लेख गर्दै अध्यक्ष ढकालले यहाँ धार्मिक पर्यटनका लागि मुक्तिनाथ, दामोदरकुण्ड लगायतका स्थानहरु रहेका र मानसरोबार जानका लागि पनि यो बाटो छोटो हुने भएकाले नेपाली र भारतीय पर्यटकहरुलाई समेत सहज हुने बताउनुभयो ।
साथै माथिल्लो मुस्ताङ प्रवेशका लागि विदेशी पर्यटकहरुलाई लगाइँदै आइएको रु ५०० अमेरिकी डलर अव्यवहारिक रहेकाले त्यसमा तत्कालै पुनर्विचार गर्न पनि उहाँले सरकारसँग माग गर्नुभयो ।
अध्यक्ष ढकालले नेपाल उद्योग वाणिज्य महासङ्घका तर्फबाट कालिगण्डकी करिडोर छिटो सम्पन्न गर्न र कोरला नाकालाई व्यवस्थित तथा दिगो ढंगले सञ्चालनका लागि आवश्यक पहल गर्न नेपाल सरकार र सम्बन्धित निकायसँग यसअघि पनि आग्रह गर्दै आएको बताउँदै यसका लागि निजी क्षेत्रका तर्फबाट के गर्नुपर्छ त्यसका लागि आफूहरु प्रतिबद्ध रहेको पनि बताउनुभयो ।
-1779691805.jpg)
-1780638475.jpg)
दिल्लीमा रवि राप
भारत नेपालको छिमेकी राष्ट्र हो । यी दुई देशबीच परापूर्वकालदेखिको सम्बन्ध छ । खुला सिमाना छ । आवतजावत सहज छ । भारत विश्व अर्थतन्त्रमा उदियमान छ । संसारकै... शुक्रबार, जेठ २२, २०८३
देशैभरी गुणस्तरीय तथा दिगो विद्युत आपूर्ति सुनिश्चित गर्न कस्सिए ऊर्जामन्त्री श्रेष्ठ, विद्युत प्राधिकरणलाई दिए टास्क
‘यसपटक प्राधिकरणले माग गरे अनुसारको बजेट प्राप्त गरेको छ । अब त्यसको प्रभावकारी कार्यान्वयन, सेवा प्रवाहमा सुधार र गुणस्तरीय तथा दिगो विद्युत आपूर्ति सुनिश्चित गर्ने जिम्मेवारी प्राधिकरणकै हो,’... शुक्रबार, जेठ २२, २०८३
सम्पर्कविहीन निजामती कर्मचारीको खोजी गर्दै सरकार, हाजिर अद्यावधिक नगराए कारवाही
मन्त्रालयले अध्ययन तथा असाधारण बिदा समाप्त भएपछि पनि कार्यालयमा हाजिर नभएका वा लामो समयदेखि कार्यालयको सम्पर्कमा नरहेका कर्मचारीहरूको हकमा प्रचलित कानुनबमोजिम आवश्यक कारबाही प्रक्रिया अगाडि बढाउने तयारीसमेत गरेको... शुक्रबार, जेठ २२, २०८३
सदनले नसकेको सांसदको हाजिरी विवरण रास्वपा सांसदले सम्हालेको शिक्षा समितिले सार्वजनिक गर्ने
समितिले हालै पारित गरेको कार्यविधिको दफा २३ मा 'बैठकमा सदस्यहरुको उपस्थिति सम्बन्धी विवरण सभापतिले प्रत्येक महिना समाप्त भएपछिको बैठकमा जानकारी गराउने र समिति सचिवालयले प्रत्येक बैठकको उपस्थिति सम्बन्धी... शुक्रबार, जेठ २२, २०८३भर्खरै
- दिल्लीमा रवि राप
- देशैभरी गुणस्तरीय तथा दिगो विद्युत आपूर्ति सुनिश्चित गर्न कस्सिए ऊर्जामन्त्री श्रेष्ठ, विद्युत प्राधिकरणलाई दिए टास्क
- सम्पर्कविहीन निजामती कर्मचारीको खोजी गर्दै सरकार, हाजिर अद्यावधिक नगराए कारवाही
- सदनले नसकेको सांसदको हाजिरी विवरण रास्वपा सांसदले सम्हालेको शिक्षा समितिले सार्वजनिक गर्ने
- रास्वपा सभापति लामिछानेले गरे अयोध्यास्थित राम मन्दिरको दर्शन
- परराष्ट्रमन्त्री खनाल आज भारत भ्रमणमा जाँदै
- ट्रम्पका विशेष दूत गोरसँग दिल्लीमा रविको भेटवार्ता
- सचिव कृष्णहरि पुष्कर प्रहरी नियन्त्रणमा
