सबै कुरा

दुर्गा प्रसाईँलाई तिनकुनेमा आन्दोलन गर्न प्रशासनले दिएन अनुमति, जबरजस्ती गरे कारबाही हुने चेतावनी

सिधाकुरा

शुक्रबार, मंसिर ८, २०८०

दुर्गा प्रसाईँलाई तिनकुनेमा आन्दोलन गर्न प्रशासनले दिएन अनुमति, जबरजस्ती गरे कारबाही हुने चेतावनी

जिल्ला प्रशासन कार्यालय काठमाडौँले दुर्गा प्रसाईं नेतृत्वको समूहलाई प्रदर्शन गर्न तीनकुनेमा अनुमति नदिएको बताएको छ ।

Watch On

बिहिबार बल्खुमा शक्ति प्रदर्शन गरेको उक्त समूहको २ पटकसम्म झडप भएपछि आन्दोलन छोडेर निवास पुगेका प्रसाईँ घरबाटै पत्रकार सम्मेलन गरेर शुक्रबारदेखि निरन्तर तिनकुनेमा आन्दोलन जारी राख्ने बताएका थिए ।

उनले उक्त घोषणा गरेसँगै जिल्ला प्रशासन कार्यालय काठमाडौँका सहायक प्रमुख जिल्ला अधिकारी रवीन्द्रप्रसाद आचार्यले प्रेस विज्ञप्ति जारी गर्दै प्रसाईंको समूहलाई तिनकुनेमा प्रदर्शन गर्न कुनै पनि अनुमति नदिएको बताएको छ ।

सार्वजनिक सम्पत्तिमा क्षति पुर्‍याउने र शान्ति सुरक्षा र अमनचयन विथोल्ने मनसायले प्रसाईंले कार्यक्रम सार्वजनिक गरेको भन्दै प्रशासनले गम्भीर ध्यानाकर्षण भएको समेत बताएको छ ।

त्यस्तै महाअभियानका अध्यक्ष प्रसाईंले गलत मनसायका साथ आजदेखि तीनकुने क्षेत्रमा कार्यक्रम गर्ने घोषणा गरेकाले उक्त क्षेत्रमा कार्यक्रम गर्न निषेध गरिएको र जबर्जस्ती गरे कानुनबमोजिम कारबाही गर्ने चेतावनी स्थानीय प्रशासनले दिएको छ।

प्रकाशित मिति: शुक्रबार, मंसिर ८, २०८०

प्रतिक्रिया दिनुहोस्