सबै कुरा

तिनकुनेमा प्रदर्शनमा गर्न अनुमति नपाएको प्रसाईँ समूहले सिफलमा प्रदर्शन गर्ने

सिधाकुरा

शनिबार, मंसिर ९, २०८०

तिनकुनेमा प्रदर्शनमा गर्न अनुमति नपाएको प्रसाईँ समूहले सिफलमा प्रदर्शन गर्ने

दुर्गा प्रसाईँ नेतृत्वको समूहले शनिबार काठमाडौँको सिफलमा प्रदर्शन गर्ने भएको छ ।

Watch On

बिहिबार बल्खु क्षेत्रमा प्रदर्शनमा उत्रिएका उनीहरुले शुक्रबारदेखि निरन्तर काठमाडौँको तिनकुनेमा शक्ति प्रदर्शन गर्ने बताएका थिए । तर जिल्ला प्रशासन कार्यालय काठमाडौँले शुक्रबार एक विज्ञप्ती जारी गर्दै प्रसाईँ समूहलाई तिनकुनेमा प्रदर्शन गर्न अनुमति नदिइएको साथै जबरजस्ती प्रदर्शनमा उत्रिए कारबाही गर्ने चेतावनी दिएको थियो ।

प्रशासनको उक्त विज्ञप्तीपश्चात तिनकुनेमा प्रदर्शनका लागि पुगेका प्रसाईँ समर्थकलाई प्रहरीले नियन्त्रणमा लिएको थियो । यतिसम्म कि उक्त क्षेत्र भएर हिँड्ने सर्वसाधारणलाई समेत प्रहरीले पक्राउ गरेको थियो ।

तिनकुनेमा प्रदर्शन गर्न नदिएपछि उनीहरु सानोठिमी पुगेर प्रदर्शन गरेका थिए भने उता स्वंम प्रसाईँलाई भने प्रहरीले निवासमै नजरबन्दमा राखेको छ ।

राजसंस्था फिर्ता ल्याउने, ऋणीहरुको ऋण मिनाहा गराउने लगायतका एजेण्डा बोकेर देशभरबाट सर्वसाधारण उतारेर आन्दोलनमा होमिएका प्रसाईँलाई प्रशासनले तिनकुनेमा प्रदर्शनमा रोक लगाएपछि उनले शनिबारदेखि काठमाडौँको सिफलमा प्रदर्शन गर्ने बताएका छन् ।

प्रकाशित मिति: शनिबार, मंसिर ९, २०८०

प्रतिक्रिया दिनुहोस्