सबै कुरा

युद्धविरामको दोस्रो दिन हमासले छाड्यो १७ बन्धक

सिधाकुरा

आइतबार, मंसिर १०, २०८०

युद्धविरामको दोस्रो दिन हमासले छाड्यो १७ बन्धक

गाजामा युद्धविराम भएको दोस्रो दिन प्यालेस्टाइनको लडाकु समूह हमासले बन्धक बनाएका १७ जनालाई छोडेको छ ।

Watch On

इसराइली डिफेन्स फोर्सका अनुसार शनिबार हमासले १३ इसराइली र ५ थाइ बन्धकलाई मुक्त गरेको हो । बदलामा इसराइलले ३९ प्यालेस्टिनियन नागरिकलाई कैदमुक्त गरेको छ ।

युद्धविरामको पहिलो दिन हमासले २४ बन्धक र इसराइलले ३९ प्यालेस्टिनियन कैदीबन्दी रिहा गरेको थियो ।

योसँगै हमासले मुक्त गरेको बन्धकको संख्या ४१ पुगेको छ भने ७८ प्यालेस्टिनियन कैदीबन्दी इसराइलको जेलबाट मुक्त भएका छन् ।

इसराइल र हमासबीच पहिलो चरणमा ५० जना बन्धक र १५० जना कैदी छाड्ने सहमति भएको थियो ।

हमासले प्रत्येक दिन कम्तिमा १० जना बन्धक मुक्त गर्ने र त्यसवापत इसराइलले गाजामा थप एकदिन युद्धविराम लम्ब्याउने भनिएको छ ।

अक्टोबर ७ मा हमासले इसराइलमाथि आक्रमण गरी नेपालका विपिन जोशीसहित २६ देशका २३९ नागरिकहरूलाई बन्दी बनाएर गाजा लगेको थियो ।

हमासको आक्रमणमा इसराइलमा १० नेपाली नागरिकसहित १ हजार २ सय जना मारिएको थिए। त्यसयता हमासलाई निशाना बनाउँदै इसराइलले लगातार गजामा आक्रमण गर्दै आइरहेको थियो।

इसराइलको आक्रमणबाट गजामा १३ हजारभन्दा बढी नागरिकहरूको मृत्यु भइसकेको छ ।

प्रकाशित मिति: आइतबार, मंसिर १०, २०८०

प्रतिक्रिया दिनुहोस्