जेनजी आन्दोलनमा निजी क्षेत्रको करिव ३६ अर्वको क्षति भएको प्रारम्भीक मूल्याङ्कनः अर्थमन्त्री खनाल

काठमाडौँ । अर्थमन्त्री रामेश्वर खनालले जेनजी आन्दोलनका क्रममा भएको तोडफोड र आगजनीबाट निजी क्षेत्रमा करिव ३६ अर्वको क्षति भएको प्रारम्भीक मूल्याङ्कन प्राप्त भएको बताएका छन् ।

Watch On

नेपाल चेम्बर अफ कमर्सले आइतबार काठमाडौंमा आयोजना गरेको कार्यक्रममा अर्थमन्त्री खनालले जेनजी आन्दोलनका क्रममा ५५ जिल्लामा १ हजार ९ सय ५७ इकाइमा क्षति भएको र जसमध्ये निजी क्षेत्रको ४१९ संरचनामा करिव ३६ अर्वको क्षति भएको प्रारम्भीक मूल्याङ्कन प्राप्त भएको जानकारी दिए ।

निजी क्षेत्रमा भएको क्षति मध्ये करिव २३ अर्वको बिमा दावी भएको उनले बताए । अर्थमन्त्री खनालले सरकार र व्यवसायीबीचमा विश्वासको वातावरण बनाएर अघि बढ्ने भन्दै निजी क्षेत्रलाई नियन्त्रणमूखी प्रणाली नबनाइने प्रष्ट पारेका छन् ।

उच्चस्तरीय आर्थिक सुधार आयोगको प्रतिवेदन अनुसार नै सरकारले निजी क्षेत्रलाई साथमा लिएर अघि बढ्ने उनको भनाइ छ । उनले  अर्थतन्त्रलाई गतिशिलता प्रदान गर्न पूँजीबजार र घरजग्गा व्यवसायलाई चलायमान बनाउनुपर्नेमा जोड दिए ।

घरजग्गा व्यवसायमा देखिएको समस्यालाई पनि समाधान गर्ने प्रयासमा रहेको उनले बताए । कार्यक्रममा नेपाल चेम्बर अफ कमर्सका अध्यक्ष कमलेश अग्रवालले करका बिषयमा एकद्वार प्रणाली लागू हुनुपर्ने, प्रविधिमैत्री कर प्रणाली बनाउनुपर्ने, सवै प्रकारका कारोवारलाई एउटै प्रकृतिमा दाज्न नहुने लगाएतका सुझाव दिए ।

उनले राष्ट्र बैंकबाट जारी चालू पूजी कर्जा निर्देशिकालाई खारेज गर्न माग गरे । घरजग्गा व्यवसायमा देखिएको सुस्ततालाई अन्तय गर्न पनि आवश्यक व्यवस्था गर्न चेम्वरले सरकारलाई सुझाव दिएको छ भने व्यवसायिक वातावरणमा सुधार ल्याउन तत्काल लगानी प्रवद्र्धन नीति ल्याउनुपर्ने माग गरेको छ ।