सबै कुरा

यस्तो छ माघ ११ गते हुने राष्ट्रिय सभा सदस्यका लागि निर्वाचनको कार्यतालिका

सिधाकुरा

शुक्रबार, मंसिर १५, २०८०

यस्तो छ माघ ११ गते हुने राष्ट्रिय सभा सदस्यका लागि निर्वाचनको कार्यतालिका

सरकारको सिफारिसमा राष्ट्रपतिबाट मनोनित भएका एक र १९ जना निर्वाचित सदस्यको फागुन २० गते पदावधि सकिने भएपछि निर्वाचन आयोगले आउँदो माघ ११ गते राष्ट्रिय सभा सदस्यको निर्वाचन गर्ने भएको छ ।

Watch On

पद रिक्त हुनु ३५ दिन अघि नै निर्वाचन सम्पन्न गर्नुपर्ने व्यवस्था रहेका कारण आयोगले माघ ११ गते निर्वाचन गर्न लागेको हो । जसका लागि आयोगले निर्वाचन कार्यतालिकासमेत स्वीकृत गरेको छ ।

आयोगले स्वीकृत गरेको निर्वाचन कार्यतालिका अनुसार निर्वाचनमा भाग लिने राजनीतिक दल दर्ताका लागि मंसिर २२ गते सूचना प्रकाशन गरिनेछ भने मंसिर २४ गतेदेखि २९ गतेसम्म राजनीतिक दल दर्ता गर्ने कार्यक्रम रहेको छ ।

त्यस्तै पुस १ गते राजनीतिक दललाई निर्वाचन चिन्ह प्रदान गरिनेछ भने स्वीकृत दलको नामावली पुस ४ गते नेपाल राजपत्रमा प्रकाशनका लागि पठाइने भएको छ ।

त्यस्तै पुस १६ गते निर्वाचन क्षेत्रका लागि अधिकृत नियुक्त गर्ने र सात वटै प्रदेश निर्वाचन कार्यालयमा निर्वाचन अधिकृतको कार्यालय स्थापना गर्ने, पुस २० गतेदेखि पुस २९ गतेसम्म निर्वाचन अधिकृतको कार्यालयमा निर्वाचन कार्यक्रम सञ्चालन गरिने भएको छ ।

आयोगले माघ ११ गते बिहान ९ बजेदेखि अपराह्न ३ बजेसम्‍म मतदान गर्ने समय तोकेको छ ।

प्रकाशित मिति: शुक्रबार, मंसिर १५, २०८०

प्रतिक्रिया दिनुहोस्