प्रधानमन्त्री काकीले आह्वान गरेको सर्वपक्षीय बैठक जारी(तस्बिरहरू)

काठमाडौँ । प्रधानमन्त्री सुशीला कार्कीले शुक्रबार आव्हान गरेको सर्वपक्षीय बैठक बालुवाटारमा जारी छ । प्रधानमन्त्री कार्कीले राजनीतिक दल, निर्वाचन आयोग, सुरक्षा निकायका प्रमुखहरूसँग आह्वान गरिएको बैठक केहिबेर अघि सुरु भएको प्रधानमन्त्रीको सचिवालयले जनाएको छ । बैठकमा निर्वाचन आयोगबाट आयोगका कार्यवाहक प्रमुख आयुक्त रामप्रसाद भण्डारी, आयुक्त जानकीकुमारी तुलाधर र आयुक्त सगुनशमशेर राणा उपस्थित रहेका छन् । त्यस्तै, सचिव महादेव पन्थ, सहसचिव नारायण प्रसाद भट्टराई, सहसचिव यज्ञप्रसाद भट्टराई र सहसचिव राजेन्द्रकुमार केसीले बैठकमा उपस्थित छन् । त्यस्तै, राजनीतिक दलका तर्फबाट नेपाली काँग्रेसबाट गगन थापा र पुष्पा भुसाल, नेकपा एमालेका तर्फबाट बैठकमा शंकर पोखरेल र महेश बर्तौला उपस्थित छन् । त्यस्तै, नेपाली कम्युनिष्ट पार्टीबाट शक्ति बस्नेत र प्रकाश ज्वाला, रास्वपाबाट शिशिर खनाल र सोबिता गौतमले बैठकमा सहभागिता जनाएका छन् । राप्रपाका राजेन्द्र गुरुङ र भुवन पाठक, जसपा नेपालका तर्फबाट प्रकाश अधिकारी, जनमतबाट नरेन्द्र चौधरी बैठकमा उपस्थित छन् । त्यस्तै सरकारका तर्फबाट बैठकमा प्रधानमन्त्री सुशीला कार्की, अर्थमन्त्री रामेश्वर खनाल, गृहमन्त्री ओमप्रकाश अर्याल, कानुनमन्त्री अनिलकुमार सिन्हा, सञ्चारमन्त्री जगदीश खरेल र सुरक्षा निकायका चारवटै अंगका प्रमुख उपस्थित रहेको प्रधानमन्त्रीको सचिवालयले जनाएको छ । त्यस्तै, जारी बैठकमा सरकारले फागुन २१ को निर्वाचनको तयारीका विषयमा बृफिङ गर्ने जनाएको छ ।