मुख्य समाचार

एमाले महाधिवेशनः मतदान सम्पन्न, दुई हजार २२७ जनाले गरे मतदान ३६ प्रतिनिधि अनुपस्थित

सिधाकुरा

बिहीबार, पुस ३, २०८२

एमाले महाधिवेशनः मतदान सम्पन्न, दुई हजार २२७ जनाले गरे मतदान ३६ प्रतिनिधि अनुपस्थित

काठमाडौँ । काठमाडौँमा जारी नेकपा एमालेको एघारौं महाधिवेशनमा नयाँ नेतृत्व चयनका लागि भएको मतदान कार्यक्रम सकिएको छ ।

काठमाडौंको भृकुटीमण्डपमा बुधबार बिहानदेखि जारी मतदान कार्यक्रम आज बिहान केहिबेर पहिले सकिएको केन्द्रीय निर्वाचन आयोगका उपाध्यक्ष सानुराज पोखरेलले जानकारी दिए ।

मंगलबारदेखि सुरु हुने भनिएको मतदान कार्यक्रम विविध प्राविधिक समस्याका कारण एक दिन ढिलो गरी सुरु भएको थियो । मतदान कार्यक्रममा सहभागि दुई हजार दुई सय ६३ जना प्रतिनिधि छनोट गरिएको भएपनि दुई हजार दुई सय २७ जनाले मात्र मतदानमा सहभागीता जनाउदा ३६ जना भने अनुपस्थित रहेको निर्वाचन परिचालन समितिले जनाएको छ ।

एमालेको नयाँ नेतृत्वका लागि केपी शर्मा ओली र ईश्वर पाखरेलका दुई छुटाछुटै प्यानल चुनावी प्रतिस्पर्धामा रहेका छन् । बिहीबार बिहान ११ बजे सम्ममा पत परिणाम सार्वजनिक गर्ने र विजयी उम्मेदवारहरुलाई प्रमाणपत्र र शपथग्रहणको पनि आजै गराईने जनाइएको छ ।

एमालेमा ३०१ केन्द्रीय सदस्यीय लागि करिब ६४२ जनाको उम्मेदवारी परेको थियो । मतदानमा ८० वटा विद्युतीय भोटिङ मेसिन प्रयोगमा गरिएको थियो ।

प्रकाशित मिति: बिहीबार, पुस ३, २०८२

प्रतिक्रिया दिनुहोस्