एमालेको महाधिवेशनपछिको पहिलो बैठकमा केपी ओलीले के भने ?

काठमाडौँ। नेकपा एमालेका अध्यक्ष केपी शर्मा ओलीले महाधिवेशनसंगै पार्टी थप एकताबद्ध र बलियो भएर अघि बढ्ने बताएका छन् । 
शुक्रबार काठमाडौंमा बसेको एमाले केन्द्रीय कमिटीको प्रथम बैठकलाई सम्बोधन गर्दै अध्यक्ष ओलीले महाधिवेशनसंगै प्यानल वा गुटउपगुटका बिषय अन्त्य भईसकेको भन्दै सवैलाई समेटेर पार्टी थप एकताबद्ध र बलियो भएर अघि बढ्ने बताए ।

उनले पार्टीभित्रका असन्तुष्टि पार्टीका बैठकमा राख्न निर्देशन दिदै सञ्चारमाध्यममा पार्टीमाथि आँच पुग्ने कुरा नगर्न निर्देश समेत दिए ।

अध्यक्ष ओलीले पार्टी अध्यक्षबिरुद्ध पटक पटक हमला हुने गरेको भन्दै नेतृत्वप्रति अनास्था जगाउनका लागि पार्टी एकतामा खलल पु¥याउन उचाल्नेहरु कुराहरुमा प्रभावित नहुने आग्रह गरे । उनले एमाले राष्ट्रिय झण्डा ओढेर सिंहदरबार जलाउनेवाला नक्कली आवरणको पार्टी नभएको भन्दै साँचो कम्युनिष्ट पार्टी भएको बताए ।

देश अप्ठेरो अवस्थामा परेका बेला एमाले बाहेक अन्य कुनै दल बोल्न नसकेको उनको भनाइ छ । उनले जेनजी आन्दोलनका क्रममा सुनियोजित रुपमा भयानक षडयन्त्र भएको र देशलाई नै शताव्दी पर ढकेल्ने काम भएको बताए । 

ओलीले देशमा लोकतन्त्र फर्काउने कामको नेतृत्व एमालेले गर्नुपर्ने बताए । केन्द्रीय कमिटीको प्रथम पार्टीको केन्द्रीय कमिटीको दोस्रो पूर्ण बैठक पुस २६, २७ र २८ गते बस्ने एमालेले जनाएको छ ।