रवि-बालेन सहमतिको भित्री रहस्य

काठमाडौँ । आइतबार बिहानै संसारभर रहेका नेपालीहरुलाई खुसीको सञ्चार गर्ने रवि बालेन एकतामा सहमतिको खबर बाहिरीयो । देखिनेगरी एक साताको छलफल र शनिबार  रातभरीको बैठकपछि आइतबार बिहान ४ बजेर १५ मिनेटमा रवि र बालेन्द्र शाह (बालेन) बीच ७ बुँदे समझदारीमा हस्ताक्षर भयो । 

Watch On

रास्वपाको केन्द्रीय सभापतिमा रवि लामिछानेलाई मानेर रास्वपाकै नीति र नेतृत्वमा बालेन संसदीय निर्वाचनमा सहभागी हुने र संसदीय दलको नेता हुँदै प्रधानमन्त्रीको उम्मेदवार बन्ने सम्झौतामा उल्लेख छ । भदौ २३ र २४ को जेनजी आन्दोलनको स्वामित्व ग्रहण गर्दै सम्झौताले बालेन, जेनजी र उसका प्रतिनिधिलाई पार्टीमा ग्रहण गरेको रास्वपाले जनाएको छ । 

लामो रस्साकस्सी नेपाली राजनीतिमा बढ्न सक्ने संक्रमणकालको संसयबीच निर्वाचनको माहोल तातिएको छ भने रवि बालेन मिलनको सकारात्मक सञ्चार शेयर बजार देखि जनमानससम्म फैलिएको छ। 

यही अवस्था बीच यो सहमतिको भित्री कसरतको पाटोमा निर्णायक  काम गरेका रास्वपा उपसभापति डा.स्वर्णिम वाग्लेलाई सिधाकुराले यो सहमतिको राजनीतिक अर्थ के हो भनी प्रश्न गरेको थियो । जवाफमा नेता वाग्लेले रास्वपा र बालेनको एकता सहमतिलाई नेपाली राजनीतिमा निरन्तरताको क्रमभंगता गरेर नयाँ सुरुवातका लागि कोषेढुंगा भएको बताए । 

रास्वपामा बालेनको प्रवेश प्रक्रियाको भित्री कुरा, पार्टीमा बालेन र उनको समूह एवम् जेनजीका प्रतिनिधिको व्यवस्थापन, आसन्न निर्वाचन र रास्वपाको सम्भावित चुनावी परिणाम लगायतका धेरै विषयमा सिधाकुराले डा.वाग्लेसँग प्रश्नोत्तर गरेको छ । डा.वाग्लेसँग सिधाकुराका कार्यकारी सम्पादक नवीन ढुंगानाले गरेको संवाद यहाँ प्रस्तुत गरेका छौँ।