समाज

सरकारमा पुग्यो रास्वपा !

सिधाकुरा

सोमबार, पुस १४, २०८२

काठमाडौँ ।
राष्ट्रिय स्वतन्त्र पार्टी (रास्वपा) र उज्यालो नेपाल पार्टीबीच सोमबार साँझ एकताको सम्झौता भयो । कमलपोखरीस्थित जी २१ स्टुडियो कार्यालयमा भएको सहमति पछि उज्यालो नेपाल पार्टी रास्वपामा विलय भएको छ भने उक्त पार्टीका परिकल्पनाकार एवम् संरक्षक कुलमान घिसिङ रास्वपाको उपसभापति भएका छन् ।

Watch On

कुलमानले उपाध्यक्ष पद पाएसँगै उनको उज्यालो नेपाल पार्टीका १८ जना सदस्यहरूले आसन्न निर्वाचनका लागि समानुपातिक सूचीमा नाम समावेश गरेका छन् ।

कुलमान घिसिङ अहिलेको निर्वाचन गराउने नागरिक सरकारमा तीन मन्त्रालय हाँकिरहेका मन्त्री हुन् ।

कुलमान उर्जा, सिँचाइ तथा जलस्रोत, भौतिक पूर्वाधार तथा यातायात र सहरी विकास मन्त्रीको जिम्मेवारीमा छन् । दुई पार्टी बीचको सहमतिले कुलमान रास्वपाको उपसभापति बनेसँगै सुशीला कार्की सरकारमा रास्वपा प्रवेश गरेको छ।

कानुनका जानकारहरुका अनुसार यो सहमति निर्वाचन आयोगमा अद्यावधिक भएपछि कानुनी मान्यता पाउनेछ । तर,आयोगमा अद्यावधिक अघि नै कुलमानले मन्त्री पदबाट राजीनामा गरे भने अहिलेको सरकारमा रास्वपा छ भन्न नमिल्ने तर्क पनि उनीहरूको छ।

त्यसो त रास्वपा र उज्यालो नेपाल पार्टीको सहमतिमा सरकार मन्त्री घिसिङसँगै खेलकुद मन्त्री बब्लु गुप्ता पनि सहभागी थिए ।

प्रकाशित मिति: सोमबार, पुस १४, २०८२

प्रतिक्रिया दिनुहोस्