कुलमानको महत्वकाङ्क्षी बार्गेनिङले भाँडियो रास्वपा-उज्यालो नेपाल एकता

काठमाडौँ ।अन्ततः रास्वपा र उज्यालो नेपाल पार्टी बीचको एकता समझदारी कुलमान घिसिङको महत्वकाङ्क्षी मागका कारण भाँडिएको छ । रास्वपा उच्च स्रोतले उज्यालो नेपाल पार्टीसँग भएको समझदारी भाँडिएको सिधाकुरालाई पुष्टि गर्यो । ‘हामीले अधिकतम लचकता अपनाएकै हौँ तर उहाँहरूको माग पार्टीले धान्न सक्ने भएन जसका कारण एकताको समझदारी सकियो,’ उच्च स्रोतले सिधाकुरासँग भन्यो, ‘पार्टी, देखि निर्वाचन प्रक्रियामा उहाँहरूको माग रास्वपाले पूरा गर्न नसक्ने भएपछि हामीले सर भन्यौँ ।’

Watch On

पुस १४ गते राति रास्वपा सभापति रवि लामिछाने र उज्यालो नेपाल पार्टीका अध्यक्ष अनुपकुमार उपाध्याय बीच एकताको समझदारी भएको थियो । जसको साक्षीका रुपमा तत्कालीन भौतिक पूर्वाधार मन्त्री एवम् उज्यालो नेपाल पार्टीका संरक्षक कुलमान घिसिङ समेत साक्षीका रुपमा रहेका थिए। 

रास्वपाका नेता तथा पूर्वसांसद् गणेश पराजुलीले पनि राष्ट्रिय स्वतन्त्र पार्टी र कुलमान घिसिङबिचको सहकार्य टुटेको जानकारी दिए। उनले भने, “अधिकतम लचकताका बाबजुद पनि उज्यालो नेपालसँगको सहकार्य हाललाई स्थगित गरिएको छ ।'

उज्यालाे नेपाल पार्टीसँग एकता टुटेसँगै सभापति रबि लामिछानेको निर्देशानुसार पार्टी सचिवालयको आकस्मिक बैठक भर्चुअल बैठक डाकिएकाे र बैठक सुरु भएको प्रवक्ता मनिष झाले जानकरी दिए ।