समाज

काठमाडौँ ७ मा रास्वपाबाट गणेश पराजुली प्रत्यक्षतर्फका उम्मेदवार

सिधाकुरा

सोमबार, माघ ५, २०८२

काठमाडौँ ७ मा रास्वपाबाट गणेश पराजुली प्रत्यक्षतर्फका उम्मेदवार

काठमाडौँ । रास्वपाले काठमाडौँ ७ को प्रत्यक्षतर्फको टिक पूर्व सांसद एवम् पार्टी सचिवालय सदस्य गणेश पराजुलीलाई दिएको छ। पराजुली २०७९ को निर्वाचनमा काठमाडौँको यसै क्षेत्रबाट निर्वाचित भएका थिए ।

Watch On

पराजुलीले काठमाडौँ ७ मा प्रत्यक्षतर्फको टिकट पाएको रास्वपाले जनाएको छ । नेपाली कांग्रेसका श्यामकुमार घिमिरेलाई दुई हजार मतान्तरले हराएर पराजुली निर्वाचित भएका थिए ।

८ हजार ७४३ मतले पराजुली निर्वाचित हुँदा उनका निकटतम् प्रतिद्वन्दी घिमिरेले ६ हजार ८ सय मत पाएका थिए । रास्वपाकोतर्फबाट विघटित संसद् र संसदको समितिहरूमा सशक्त र जिम्मेवार उपस्थिति देखाएका पराजुली पार्टीमा पनि प्रभावशाली नेताका रुपमा परिचित छन् ।

संसदमा कानुन निर्माण र सार्वजनिक चासोका विषयमा उनको चासो र खबरदारी प्रशंसनीय मानिन्छ । रास्वपामा वैकल्पिक शक्ति एकतामा पनि उनको भूमिका महत्वपूर्ण मानिन्छ ।

नीतिगतरुपमा संसदमा समेत खरो प्रस्तुत हुने पराजुलीले काठमाडौँ महानगरपालिका वडा न १६ को निर्वाचनमा रास्वपाका इतिहासमै पहिलो पटक स्थानीय तहमा वडा अध्यक्ष बनाउन मुख्य भूमिका खेलका थिए ।

प्रकाशित मिति: सोमबार, माघ ५, २०८२

प्रतिक्रिया दिनुहोस्